Munda jylyna 40 myń tonnadan asatyn 65 túrli ónim shyǵarylady. Kásiporynda 850 qyzmetker jumys isteıdi, óndirgen ónimderi onnan astam alys jáne jaqyn shetelge eksporttalyp otyr.
– «Aq jol» partııasy – kásipkerler men otandyq taýar óndirýshilerdiń ókili. Biz bıznestiń múddelerin qorǵaý jáne ilgeriletý úshin kóp jumys atqaryp kelemiz. Buǵan deıin sizderdiń kompanııalaryńyz «Aq jol» partııasyna kirister organdarynyń eksporttalatyn ónimge qosymsha qun salyǵyn qaıtarýdan bas tartý máselesimen júgingen edi. Biz Bas prokýror men Joǵarǵy sotqa deıin jettik, kásiporyn talabynyń durystyǵy dáleldendi. Partııa aldaǵy ýaqytta da kompanııanyń damýyn qadaǵalap, qajet bolǵan jaǵdaıda mundaı mańyzdy ınvestısııalyq jobany júzege asyrýǵa kómektesedi. Onyń ústine, másele azyq-túlik taýarlary baǵasynyń ınflıasııasy sońǵy jyldary qatty baıqalǵan tamaq ónerkásibi týraly bolyp otyr, – dedi Azat Perýashev.
Kezdesý barysynda «Aq jol» lıderi partııanyń saıası baǵdarlamasynyń basym baǵyttaryn atap ótti. Ol adal básekelestik, áleýmettik saıasat, sybaılas jemqorlyqpen kúres, byltyrǵy konstıtýsııalyq reforma jáne shetelge zańsyz shyǵarylǵan qarjyny elge qaıtarý máselelerine jan-jaqty toqtaldy. Kezdesý emin-erkin pikir almasýǵa ulasyp, kompanııa qyzmetkerleri nesıeniń qoljetimdiligi, turǵyn úı baǵasy, balalar járdemaqysy týraly suraqtar qoıdy. Baǵany ustap turý máselesine qatysty «Aq jol» tóraǵasy Ulttyq banktiń bazalyq mólsherlemeni kóterip, nesıeni qymbattatý saıasatyn synǵa aldy.
– Bul jerde eki mańyzdy jaıt bar: birinshisi – naryqty otandyq taýarlarmen toltyrý. Ekinshisi – aqshanyń quny. О́ıtkeni naryqtaǵy jaǵdaı taýar men aqsha massasynyń araqatynasymen anyqtalady. Aqsha kóp, al taýar az bolǵan jaǵdaıda, sáıkesinshe taýar qymbattaıdy. Al aqsha az, taýar kóp bolǵanda, kerisinshe, keri úderis júredi. Bizde mynadaı jaǵdaı: búginde Ulttyq bank bazalyq mólsherlemeni kóterý, ıaǵnı aqsha massasyn azaıtý arqyly baǵanyń ósýin tejeýge tyrysyp otyr, – dedi A.Perýashev.
