Aıdyn Saýdanbekov 1976 jyly Almaty oblysynda dúnıege kelgen. Qazaq memlekettik basqarý akademııasyn bitirgen.
Memlekettik qyzmettegi eńbek ótili 24 jyl. Eńbek jolyn 1998 jyly Almaty oblysy Uıǵyr aýdany boıynsha Salyq komıtetiniń salyq ınspektory bolyp bastady.
2000 jyldyń naýryz aıynan bastap Uıǵyr oblysy boıynsha Salyq komıtetiniń tekserý bóliminiń aǵa salyq ınspektory, bas salyq ınspektory qyzmetterin atqardy.
2001 jyldyń jeltoqsan aıynan bastap Almaty oblysy boıynsha Salyq komıtetinde, Almaty qalasy Áýezov aýdany boıynsha Salyq komıtetinde ártúrli qyzmette jumys istedi.
2008 jyldyń qyrkúıeginen bastap Ile aýdany boıynsha Salyq basqarmasynyń bastyǵy, Taldyqorǵan qalasy boıynsha Salyq departamenti basshysynyń orynbasary, Almaty oblysy Uıǵyr aýdany boıynsha Salyq basqarmasynyń basshysy, Almaty qalasy Medeý aýdany boıynsha Salyq basqarmasynyń basshysy boldy.
2015 jyldyń maýsym aıynan bastap – Qazaqstan Respýblıkasy Qarjy mınıstrligi Memlekettik kirister komıtetiniń Qarasaı aýdany boıynsha Memlekettik kirister departamentiniń Kameraldyq baqylaý bóliminiń aýdıt bóliminiń basshysy, Almaty oblysy boıynsha Memlekettik kirister departamenti basshysynyń orynbasary qyzmetinde boldy.
2021 jyldyń tamyzynan bastap Ákimshilik departamentiniń dırektory, 2022 jyldyń aqpanynan qazirgi ýaqytqa deıin Qazaqstan Respýblıkasy Qarjy mınıstrligi Memlekettik kirister komıteti Aýdıt departamentiniń dırektory qyzmetin atqardy.
