Balyqtyń qyzyǵymen kóldiń jaǵasynan uzap ketken olar boran bastalǵan soń úıge qaıtýdy oılap kelse ózderiniń «Vaz-2110» eski mashınalaryn qar kómip tastaǵanyn kóredi. Bul jerden telefon jelisi de ustamaıdy eken, áıteýir joldan adaspaǵan balyqshylar túni boıy jaıaý júrip, tań ata ǵana ózderiniń qaýipti jaǵdaıda ekenin bildirip, polısııaǵa habar beredi.
Olardy qutqarýǵa aýdandyq polısııa bóliminiń ýchaskelik ınspektorlary Erlan Ybyraev pen Talǵat Beısenbaev attanady. О́zderiniń «Nıva» kóligine olar balyqshylar adasqan Chermoshnıankı aýylynyń jerdi jaqsy biletin turǵyny Nıkolaı Dolınenkony otyrǵyzyp alady.
Polıseıler shamasy eki saǵattaı ýaqyttyń ishinde sýyqtan tisi tisine tımeı dirildegen eki balyqshyny aman taýyp, ajaldan qutqardy. Aman qalǵan balyqshylar úılerine oralyp, jyly jerge engennen keıin birinshi kezekte ózderiniń ınspektorlarǵa degen alǵysyn jetkizip, oblystyq polısııa departamentiniń bastyǵy A.Qabyldınovke hat jazady.
