Qoǵam • 24 Aqpan, 2023

Bıyl «Ata joly» kartasy 5 myń adamǵa beriledi

580 ret

kórsetildi

1 mın

oqý úshin

Eńbek jáne halyqty áleýmettik qorǵaý mınıstrligi bıyl «Ata joly» kartasyn 5 myń adamǵa berýdi josparlap otyr. Jyl saıyn karta ıegerleriniń sany 5, 10, 15 myńǵa artyp, 2027 jyly 40 myńǵa jetýi tıis. Bul týraly quzyrly mınıstrliktiń 2023-2027 jyldarǵa arnalǵan damý josparynda jazylǵan, dep habarlaıdy Egemen.kz.

Gúlshahra SANSYZBAI

Bıyl «Ata joly» kartasy 5 myń adamǵa beriledi

«Ata joly» kartasyn berý – jańa bastama. Ol týraly alǵash Eńbek jáne halyqty áleýmettik qorǵaý mınıstri Tamara Dúısenova 2022 jyldyń sońynda habarlaǵan bolatyn. Atalǵan karta sheteldegi joǵary deńgeıdegi kásibı maman qazaqtarǵa ne ózderi turatyn elde tabysty bıznes-keısterdi iske asyrǵan jáne olardy Qazaqstanda júzege asyrýǵa yqylasty qazaqtarǵa beriledi. Ol arqyly etnıkalyq qazaqtar 10 jylǵa jeńildetilgen vıza rásimdep, Qazaqstanda óz kásibin damytýǵa múmkindik alady.

Eńbek jáne halyqty áleýmettik qorǵaý mınıstrliginiń 2023-2027 jyldarǵa arnalǵan damý josparyna sáıkes, Qazaqstanǵa kelgen qandastar men qonys aýdarýshylardy jumyspen qamtý kórsetkishin de arttyrýdy josparlap otyr. 2023 jylǵy meje 83 paıyz bolsa, ony 2027 jyldyń sońyna deıin 95 paıyzǵa jetkizý basty nazarda bolyp otyr.