«Kóterilgen máselelerdiń biri - káriz júıesiniń jumysy. Qazir jobalaý jumysyn júrgizip jatyrmyz. Tyǵyz ornalasqan qurylystan ári nysandardyń keıbir jeri qyzyl syzyqtan asyp ketkendikten jumys barysy qıyndap tur. Sebebi jelilerdi tóseýge arnalǵan dálizdi tabý qıyn. Degenmen osy baǵytta júıeli jumys júrgizip jatyrmyz. Jobalaý jumysyn jyl sońyna deıin aıaqtaýdy josparlap otyrmyz, al keler jyly káriz qurylysyn bastaımyz. Sol sııaqty bıyl káriz júıesine súzgi ornatýdy josparlap otyrmyz», dep jazdy ákim.
Sonymen qatar gazdandyrý máselesi de kóterilgen. «Kóktal-1» eldi mekeninde kvartalishilik jeliler salynǵanyna qaramastan jekelegen tustarda qalǵan úıler bar. Mundaı úıler úshin gazǵa qosylýdyń balama joldary qarastyrylady. Úılerdiń gazǵa qosylýyn jeńildetý úshin ruqsat berý qujattarynyń tizimi qysqartyldy, turǵyndardyń muqtaj sanattaryna bólinetin soma mólsheri ulǵaıdy. Materıaldyq kómek mólsheri - 450 myń teńgege deıin (130 AEK).
Sondaı-aq áleýmettik nysandar, joldar salý, aýdandy abattandyrý, ınternet júrgizý, qosymsha avtobýs marshrýttaryn iske qosý, sý qysymyn arttyrý, jaryqtandyrý, ShOB nysandarynyń zańsyz qyzmeti jáne t.b. máseleler kóterilgen.
− «Kóktal-1» eldi mekeninde dene shynyqtyrý-saýyqtyrý keshenin salý jobasyna túzetý engizemiz. Turǵyndardyń qajettilikteri men tilekterin eskere otyryp, bul sport ortalyǵyn basseınmen, hokkeı kortymen jobalaıtyn bolamyz. Sol sııaqty №41 mektepti tehnıkalyq tekserýden ótkizemiz, al jóndeý jumysyn keler jyly aıaqtaımyz. Bıyl jańa korpýs (qosymsha) salamyz. Jalpy áleýmettik nysandar boıynsha máseleler bar ekeni eskerile kele eldi mekendi damytý josparyn qarap, engizetin bolamyz.
О́zge de aýdandardyń, eldi mekenderdiń turǵyndarymen turaqty túrde kezdesýdi jalǵastyramyn, sonymen qatar apta saıyn azamattardy qabyldaımyn, − dep jazdy elorda ákimi.
