Mınıstr atap ótkendeı, bul máseleler muqııat zerdelenetin bolady. Salyq saıasatyn jetildirý boıynsha UEM qazirgi ýaqytta jańa Salyq kodeksin ázirleýde. Salyqtyq ákimshilendirýdi túbegeıli ońaılatýǵa jáne sıfrlandyrýǵa erekshe kóńil bólinetin bolady. Keshendi jumys jurtshylyqpen birlesip, sarapshylar men bıznes-qoǵamdastyq ókilderiniń qatysýymen júrgizilip jatyr.
Sondaı-aq kásipkerler ındýstrııalyq aımaqty odan ári damytýǵa jáne ınfraqurylymdy júrgizýge járdemdesýdi surady. Budan bólek qoljetimdi turǵyn úı qurylysyn qarjylandyrý, JSQ-ǵa (jobalaý-smetalyq qujattama) túzetýler engizý, keramıka óndirisin keńeıtý úshin jeńildetilgen nesıeleý, kásipkerlikti tekserýge arnalǵan moratorıı boıynsha máseleler kóterildi.
«Bıznesti júrgizý úshin jaǵdaıdy jaqsartý boıynsha júıeli sharalar qabyldanyp jatyr. Eskirgen jáne negizsiz normatıvtik talaptardy qysqartý, memlekettik baqylaý jáne qadaǵalaýdyń barlyq salalarynda táýekelderdi basqarý júıelerin avtomattandyrý boıynsha jumys júrgizilýde. Sonymen qatar 2024 jyldan bastap «taza paraqtan» retteýdi tolyqqandy iske qosý pysyqtalyp jatyr», dedi Á.Qýantyrov.
Ol kóterilgen barlyq máseleler men aıtylǵan usynystar boıynsha mınıstrliktiń ustanymyn jetkizip, UEM-nyń quzyretine kirmeıtin máseleler tıisti memlekettik organdarǵa joldanatynyn aıtty.
