Ǵanı Beısembaev bilim berý júıesiniń sapaly damýyna jáne pedagog mártebesin odan ári damytý qajettiligine erekshe toqtaldy. Oqý-aǵartý mınıstriniń aıtýynsha, Jol kartasy bilim berý sapasyn arttyrýǵa baǵyttalǵan 80-nen asa is-sharany qamtıdy. Onyń ishinde tárbıeshilerdi oqytý jáne attestattaý uıymdastyrylady, jańa model boıynsha daıarlyq kýrstarynyń mazmuny jańǵyrtylady.
«Orta bilim berýdegi ózekti másele – bilim mazmuny men bilim sapasy. 2020-2021 oqý jylynda mektepterdiń jańartylǵan baǵdarlamalarǵa kóshýi tolyq aıaqtalyp, bilim berýdi krıterıaldy baǵalaý júıesi engizildi. Bul óte mańyzdy ózgeris boldy. Alaıda monıtorıngtik zertteýlerge sáıkes jekelegen pánder boıynsha oqý baǵdarlamalary jetildirýdi qajet etedi. Sonymen qatar «Bilim berý uıymdary basshylarynyń respýblıkalyq kadrlyq rezervi» jasaqtalady. Rezervtegi menedjerlerdi «Bolashaq» baǵdarlamasy arqyly shetelde taǵylymdamadan ótkizý kózdelgen. Budan basqa elimizdiń ozyq tájirıbeli pedagogteriniń respýblıkalyq bazasy qurylady», dedi Ǵanı Beısembaev.
Kezdesý barysynda arnaıy bilim berý, tárbıe jumysy, balalardyń qaýipsizdigi jáne ınfraqurylymdy damytý máseleleri talqylandy.
Jumys sapary aıasynda Ǵanı Beısembaev Abaı atyndaǵy qazaq tili men ádebıetin tereńdetip oqytatyn daryndy balalarǵa arnalǵan respýblıkalyq orta mektep-ınternatynyń jumysymen tanysty.
Sonymen qatar bir qatar bilim mekemelerine baryp balalar qaýipsizdiginiń qamtamasyz etilýi barysymen tanysty.
