Sınoptıkterdiń málimetinshe, Qazaqstannyń basym bóliginde jaýyn-shashynsyz aýa raıy kútiledi. Tek atmosferalyq frontaldy bólikterdiń ótýine baılanysty respýblıkamyzdyń batys bóliginde jaýyn-shashyn (jańbyr, qar), kóktaıǵaq bolady. Al elimizdiń soltústiginde qar jaýyp, aqtútek boran boraıdy dep boljanady. Respýblıka boıynsha tuman, qatty jel bolady.
Batys Qazaqstan oblysynyń batysynda, soltústiginde, shyǵysynda tuman, kóktaıǵaq bolady dep kútiledi. Oblystyń soltústiginde, shyǵysynda ońtústikten, ońtústik batystan soqqan jeldiń ekpini 15-20 m/s jetedi. 27 aqpanda Oralda tuman, kóktaıǵaq bolady dep boljanady. Ońtústikten, ońtústik batystan soqqan jeldiń ekpini 18 m/s quraıdy.
Soltústik Qazaqstan oblysynyń batysynda, soltústiginde jaıaý burqasyn júredi. Kúndiz oblystyń batysynda, soltústiginde, ońtústiginde ońtústik-batys 15-20 m/s, keı tusta 23-28 m/s jyldamdyqpen jel soǵady. Petropavlda jaıaý burqasyn júredi dep kútiledi. Ońtústik batystan soqqan jeldiń ekpini 15-20 m/s, keı tusta 23-28 m/s deıin jetedi.
Kúndiz Aqtóbe oblysynyń soltústiginde jaıaý burqasyn júredi dep kútiledi. Kúndiz oblystyń soltústiginde ońtústik batystan, ońtústikten soqqan jeldiń ekpini 15-20 m/s, keı tusta 23 m/s deıin jetedi.
Aqmola oblysynyń batysynda, soltústiginde, shyǵysynda ońtústik batystan 15-20 m/s, kúndiz 23 m/s jyldamdyqpen jel soǵady. Kókshetaýda ońtústik batystan soqqan jeldiń ekpini 15-20 m/s, keı tusta 23 m/s quraıdy.
Túrkistan oblysynyń soltústiginde jáne taýly aýdandarynda soltústik shyǵystan jel soǵady, ekpini - 15-20 m/s.
Qyzylorda oblysynyń soltústiginde tuman bolady.
Pavlodar oblysynyń soltústiginde, batysynda ońtústik batystan 15-20 m/s jyldamdyqpen jel soǵady dep kútiledi.
Qostanaı oblysynyń soltústiginde jaıaý burqasyn júredi. Oblystyń batysynda, ońtústiginde tuman bolady. Oblystyń soltústiginde, shyǵysynda, batysynda ońtústik batystan soqqan jeldiń ekpini 15-20 m/s quraıdy. Qostanaıda kúndiz jaıaý burqasyn júredi dep kútiledi. Ońtústik batystan soqqan jeldiń ekpini - 15-20 m/s.
