– Egde jastaǵy, zeınet jasyna taıaǵan jáne zeınettegi azamattardyń eńbegi suranysqa ıe bolýy kerek. Zeınetkerler laıyqty zeınetaqy alýǵa, jaqsy tamaqtanýǵa, sapaly jáne qoljetimdi em alýǵa, belsendi ómir saltyn ustanýǵa múmkindigi bolýǵa tıis. Ár azamat memleket qamqorlyǵyn sezinýi qajet, – dedi shtab múshesi Dúısenbaı Turǵanov.
Shtab músheleri qala jastarymen de pikir almasty. Partııalyqtar bilim salasynyń sapasy men onyń qoljetimdiligin arttyrý sharalary jalǵasatynyn jetkizdi. Partııa bilim berý qyzmetkerleriniń quqyqtary jónindegi ýákil ınstıtýtyn zańnamalyq deńgeıde bekitýge kúsh salmaq. Bul kúni shtab músheleri «Esikten esikke» aksııasy aıasynda turǵyn úılerdi aralap, úgit-nasıhat jumysyn júrgizdi. Amanattyqtardyń Rıdderdegi sapary eńbek ujymymen kezdesýde túıindelip, partııalyqtar «Qazmyryshmash» óndiris kesheninde saılaýaldy baǵdarlamanyń basym baǵyttaryn saraptady.
Al Pavlodar oblysyndaǵy saılaýaldy shtabyna Eýropadaǵy qaýipsizdik jáne yntymaqtastyq uıymynyń baıqaýshylary Maııa Barbara Hıýrlımann men Tımo Iýhanı Laıne keldi.
О́ńirlik shtab basshysy, «Amanat» partııasynyń Pavlodar oblystyq fılıalynyń tóraǵasy Ilıa Terenchenko halyqaralyq baıqaýshylardyń shtab jumysy, kandıdattardy qoldaý maqsatynda uıymdastyrylǵan úgit-nasıhat is-sharalary, úgit-nasıhat materıaldaryn taratý jumysy týraly suraqtaryna jaýap berdi. Sonymen qatar baıqaýshylar shtabtyń ornalasqan jerimen, onyń múshelerimen, úgit-nasıhat materıaldarymen tanysty.
Aıta keteıik, EQYU mıssııasy Qazaqstandaǵy kezekten tys parlamenttik saılaýdy baqylaýǵa kiristi. Delegasııa quramyna 11 halyqaralyq sarapshy, 32 uzaq merzimdi jáne 300 qysqa merzimdi baıqaýshy kirdi. Olar saılaý naýqan, onyń ishinde áleýmettik medıany muqııat qadaǵalaıdy.
