Kezdesý barysynda spıkerler partııanyń saılaýaldy baǵdarlamasymen tanystyrdy.
– Qazaqstan Halyq partııasy sosıal-demokratııalyq baǵyttaǵy saıası kúsh retinde eńbek adamynyń quqyqtaryn qorǵaıdy jáne el azamattarynyń basym kópshiliginiń múddesin bildiredi. О́zderińiz baıqaǵandaı, partııa – adamzat úshin asyl qundylyq densaýlyq pen bilimdi tegin etýdi talap etip otyrǵan negizgi saıası kúsh. Barlyq deńgeıdegi ákimderdi tikeleı daýys berý arqyly halyq saılaýy kerek, mindetin laıyqty atqara almaǵan jaǵdaıda keri qaıtarýǵa quzyreti bolýǵa tıis. Bir sózben aıtqanda, bılik halyqtyń qolynda bolýy kerek. Al Halyq partııasy «Ádil Prezıdent – yqpaldy Parlament – halyqtyq Úkimet» quramyn usynyp otyr, – dedi H.Kóshqalıev.
О́z sózinde H.Kóshqalıev Prezıdent Q.Toqaevtyń reformalary ádiletti qoǵam qurýdyń alǵysharty ekenin atap ótti.
– Reformalardyń túpki maqsaty – adam men azamat, onyń quqyǵy men bostandyǵy barlyǵynan joǵary turatyn naǵyz halyqtyq memleket qurý. Osy oraıda «Konstıtýsııanyń 3-babyna sáıkes memlekettik bıliktiń birden-bir bastaýy – halyq. Ol tıisti ókilettikterdi bere otyryp, bıliktiń zań shyǵarýshy, atqarýshy jáne sot bıligi syndy 3 tarmaǵyn qalyptastyrady, – dedi kandıdat.
Onyń aıtýynsha, barlyq deńgeıdegi máslıhattar atqarýshy bılikten táýelsiz jumys istep, derbes qarjylandyrylýy, ǵımaraty men múlki bolýy kerek. Bul úshin respýblıkalyq bıýdjetke ózgeris engizý qajet. Ákimder jergilikti máslıhattarǵa tolyq esep berýge tıis. Basqosý barysynda aldaǵy saılaýdyń ádiletti ótýiniń birden-bir sebebi – daýystardyń urlanbaýy dep túsindirdi kandıdat:
– Ol úshin saılaýshylardyń saýsaq izin qoldaný arqyly saılaý daýysyn burmalaýdyń aldyn alý eń tıimdi sheshimi bolyp sanalady. Tek osylaı ǵana biz halyqtyń ádildikke degen senimin qaıtaramyz, – dedi ol.
