Dohadaǵy kezdesý

Dohadaǵy Djordjtaýn ýnı­­­versıtetinde ótken «Ja­handyq qa­ýipsizdik: ótkenniń sabaq­tary» atty is-sha­raǵa 15 elden kelgen 500-den as­tam jas qatysty. Olar BUU dıp­lomattarynyń ró­line enip, álem­degi eń ózekti qa­ýip­sizdik máse­lelerin sheshý jol­daryn talqylady.

Qazaqstan komandasynyń quramyna Taldyqorǵan qala­syndaǵy Nazarbaev zııat­ker­­lik mektebiniń alty oqý­shy­sy kirdi. Konferensııa nátı­jesinde 11-synyp oqý­shy­lary Maksım Sýrın men Da­nıal Shokobalınov MUN Bas hatshysy jáne halyq­aralyq tarıh boıynsha aǵa maman Bendjamın Kýrıannyń, sondaı-aq GU-Q bilim berýdi damytý jónindegi menedjeri Djıbın Koshıdiń atynan maqtaý qaǵazdarymen marapattaldy.

– Men DISEC komı­te­tinde Ońtústik Koreıa delegasııasynyń atynan qa­tys­tym. Má­­denı murany qor­­ǵaý, álem­­­de bolyp jat­qan naq­ty jaǵ­­daı­lardy tal­daý, son­daı-aq áıelder men adam­dar­dyń basqa da top­tarynyń qu­­­­qyq­taryn qorǵaý ta­qy­­ryp­­taryn talqyladyq. Osy konfe­rensııa arqyly kóp­tegen talant­ty pikir­­sa­ıys­­shy­larmen ta­nys­tym, so­ny­men qatar ja­handyq pro­b­lemalarǵa ózimniń synı kóz­­qarasymdy aıta aldym, – deıdi M.Sýrın.

Al Danıal Shokobalınov konferensııada jınaqtaǵan tájirıbe, aldaǵy maqsat­ta­ry­na muryndyq bolaryn jasyrmady.

–  Árıne, bul konferen­sııa­ǵa qatysý – úlken tájirıbe. Tal­qylaý barysynda ózekti má­­selelerdi tarıhı tur­­ǵy­dan qa­rastyrdyq, óıt­keni ót­­­ken­nen sabaq alyp jáne qa­zir­gi ssenarıı­ler­ge qol­da­ný­ǵa bolatyn dú­nıe kóp. Ár­qaı­sy­myz shyǵar­mashy­lyqpen aı­nalysýǵa, kedergilerge qar­sy turýǵa, óz daǵdy­la­rymyzdy qol­danýǵa jáne ke­ńeıtýge ty­rystyq, – deıdi Da­nıal.

Jetisý oblysy