Qazaq teatry óneriniń klassıkasyna aınalǵan «Abaı» alǵash sahnalanǵan sátinen bastap túrli nusqada qoıyldy. О́zgermeıtin, tek aqynnyń rýhy ǵana sııaqty. Bul, árıne, týyndynyń avtorlary – Ahmet Jubanov, Latıf Hamıdı men Muhtar Áýezovtiń sheberliginen bolar.
Spektakldiń qoıýshy-dırıjeri – maestro Alan Bóribaev, rejısseri Djankarlo Del Monako. Qoıylymǵa ıtalııalyq ssenograf-sýretshi Esıo Frıdjerıo men kostıýmer Franka Skýarchapıno da jumys istedi.
«Elimizde teatr óneri joǵary baǵalanýy kerek. О́tken aptada Túrkistan oblysynyń shalǵaı aýdanyna (Jetisaıǵa) barǵanda Qurmanbek Jandarbekov atyndaǵy jergilikti drama teatrǵa soqtym. Jumys saparynyń qorytyndysy boıynsha atalǵan teatrdy qarjylandyrý mólsheri ulǵaıtyldy, sondaı-aq shyǵarmashylyq ujym gastroldik saparlarǵa shyǵatyn boldy. Teatr óneriniń damýyn qoldaı otyryp, biz durys baǵytta qozǵalatynymyzǵa senimdimin», dedi mınıstr.
Aıta keteıik, Mádenıet jáne sport mınıstrliginiń qoldaýymen sahnalanǵan spektakl eki kún boıy kórsetildi.
