«2023 jylǵy 1 qańtardan bastap aýyl sharýashylyǵy ónimderin óndirýshiler úshin ońaılatylǵan deklarasııa negizinde arnaýly salyq rejımderin qoldanatyn mıkro jáne shaǵyn kásipkerlik sýbektileri bolyp tabylatyn salyq tóleýshiler jalaqydan standartty salyq salýdyń ornyna biryńǵaı tólem tóleı alady», delingen Memlekettik kirister komıteti baspasóz qyzmetiniń habarlamasynda.
Biryńǵaı tólemge: qyzmetkerlerdiń tabysynan jeke tabys salyǵy, mindetti zeınetaqy jarnalary, jumys berýshilerdiń mindetti zeınetaqy jarnalary, áleýmettik aýdarymdar, mindetti áleýmettik medısınalyq saqtandyrýǵa jarnalar men aýdarymdar engiziledi.
2023 jyly Biryńǵaı tólem mólsherlemesi eńbekaqy tóleý qorynyń 20% quraıdy. Biryńǵaı tólemdi esepteý kezinde áleýmettik tólemder boıynsha belgilengen jeńildikter eskeriledi.
Biryńǵaı tólemniń eseptelgen somasy qoldanylatyn salyq salý rejımine baılanysty 200.00, 910.00 jáne 920.00 nysandy deklarasııalarda kórsetiledi.
Biryńǵaı tólemdi tóleý aı saıyn «Azamattarǵa arnalǵan úkimet» Memlekettik korporasııasynyń shotyna esepti aıdan keıingi aıdyń 25-kúninen keshiktirilmeı júrgiziledi. Ol keıinnen bıýdjetke jáne tıisti qorlarǵa tólemderdi bóledi jáne biryńǵaı tólem tóleýshilerdiń esebin júrgizedi.
