Úsh kúdikti qalanyń ár aýdanynda urlyq jasaǵan degen boljam bar. Tergeýdiń nusqasy boıynsha, bóten adamdardyń páterleri men úılerine kirip, ol jaqtan baǵaly zattardy urlaǵan. Qazirgi ýaqytta bótenniń múlkin urlaýdyń 5 deregi anyqtaldy. Keltirilgen shyǵyn kólemi – 5 mln teńgege jetedi.
– Kúdiktiler standartty tizbek boıynsha áreket etken. Turǵyndardyń kópshiligi jumysta bolǵan ýaqytta urlyq jasaǵan. Terezeni buzý arqyly turǵyn úıge kirip, qundy nárseniń bárin alyp shyqqan. Sońǵy «is» Bostandyq aýdanyndaǵy Qarǵaly shaǵyn aýdanynda tirkeldi. «Shaqyrylmaǵan qonaqtar» ózderimen birge jalpy quny 600 myń teńge turatyn áshekeı buıymdardy, noýtbýk pen saǵatty alyp ketken, – deıdi Almaty qalalyq polısııa departamenti bastyǵynyń orynbasary Dıdar Ahanov.
Onyń aıtýynsha, kúdiktilerdi, arnaıy top pen arnaıy jasaq qyzmetkerleri júrgizgen jedel-izdestirý is-sharalary barysynda ustaǵan. Olar 33 jáne 29 jastaǵy Shyǵys Qazaqstan jáne Almaty oblysynyń týmalary. Olar ýaqytsha ustaý ızolıatoryna qamaldy.
QR QK-niń 188-baby 3-bóliginiń 3-tarmaǵy boıynsha sotqa deıingi tergeý amaldary júrgizilip jatyr. QR Konstıtýsııasynyń jáne QR QPK-niń 201-babyna sáıkes, qylmystyq is boıynsha ózge de málimetter jarııa etilmeıdi.
