Kásiporyn jumysshylary aldynda partııanyń saılaýaldy baǵdarlamasy týraly áńgimelegen Sergeı Vıshnıak jańa jumys oryndaryn ashý úshin partııa qandaı sharalardy qolǵa alatynyna toqtaldy.
Turaqty jumys oryndaryn qurý – partııanyń basym baǵyty. Ár adam óz otbasyn asyraý úshin laıyqty tabys tabýy kerek. Osy maqsatta partııa jumysshylardyń eńbek jaǵdaıyn jaqsartý jáne jumys oryndaryn qurý úshin jyl saıyn keminde 300 kásipkerlik sýbektisine qarjylaı qoldaý kórsetýge yqpal etedi. Jyl saıyn keminde 22 myń adamdy bos jumysqa ornalastyrýǵa járdemdesemiz. Sonymen qatar 3,5 myń jumyssyz adamdy kásiptik oqytýdan ótkizemiz, – dedi kandıdat.
Qabyldanǵan sharalar ortasha jalaqyny 264,2 myń teńgeden 320 myń teńgege deıin arttyrýǵa múmkindik beredi. Jumyspen qamtý múmkindikterin arttyrý arqyly 105 myń jańa jumys orny qurylady. Shaǵyn jáne orta bıznes sýbektileriniń sany 100 myńǵa, al onda jumyspen qamtylǵandar sany 192 myń adamǵa deıin artady.
Kúlparshyn Aıdarhanova saılaýaldy baǵdarlamada jastardyń múmkindigin keńeıtýge kómektesetin sharalar bar ekenin aıtty.
– Partııa jastardy jumyspen qamtý jáne olardy baspanamen qamtý máselesin kóteredi. Jyl saıyn keminde 8 myń jasty jumysqa ornalastyrýǵa kómektesemiz. «Jasyl el» jobasy aıasynda jastardy ýaqytsha jumyspen qamtý sharalary qolǵa alynady. Jyl saıyn 1 500-ge jýyq jas azamat jobaǵa qatysa alady, – dedi ol.
Kezdesý barysynda saılaýshylar úmitkerlerge óz saýaldaryn qoıdy. Jalpy, partııanyń saılaýaldy baǵdarlamasyn ázirleý kezinde halyqtyń 200 myńnan astam usynys-pikiri eskerilgen. Buǵan deıingi saılaýaldy baǵdarlamasy aıasynda 55 zań jobasyna bastamashylyq etkenin atap ótken jón.
