Atap aıtsaq, partııa ókilderi Qýanyshbek Muqash, Oljas Quspekov, Baqytbek Hamıt taý-ken, metallýrgııa jáne osy salalardaǵy tehnologııalyq materıaldar men jabdyqtar jetkizetin ýákiletti dıler «PES Global» kompanııasynyń eńbek ujymymen kezdesti. Jıyn barysynda partııa ókilderi kásipkerlerdiń dál qazirgi máselelerin talqylap, «Respublica»-nyń maqsat-mindetterine toqtaldy.
– Partııanyń mıssııasy – memlekettik basqarý júıesinde qazaqstandyq kásipkerlerdiń múddelerin biriktirýge jáne usynýǵa arnalǵan saıası kúsh qurý. Kásipkerlikti damytý otandyq ekonomıkanyń jańa draıverine jáne el azamattarynyń ál-aýqatynyń negizine aınalady dep oılaımyz, – dedi Májilis depýtattyǵyna kandıdat Oljas Quspekov.
Depýtattyqqa kandıdat Qýanyshbek Muqashtyń aıtýynsha, Qazaqstan kásipkerleri bıýrokratııa men sybaılas jemqorlyqqa jıi ushyraıdy, bul adamdardy óz isin júrgizýden alshaqtatady, óıtkeni mundaı jaǵdaıda bıznestiń uzaq merzimdi damý strategııasyn qurý qıynǵa soǵady. Qazirgi jaǵdaıda elimizge kásipkerlik salasynda sapaly ózgerister qajet dep esepteıdi, partııa ókilderi.
– Biz mektepten bastap qalyptasatyn kúshti jáne turaqty kásipkerlik mádenıetti jasaýǵa jáne damytýǵa basa nazar aýdaramyz. Ekinshiden, naqty jáne turaqty erejeleri bar bıznesti qalyptastyrý qajettigin túsinemiz. Ol úshin saýatty ári túsinikti salyq kodeksin ázirlep, bekitýdi usynyp otyrmyz, ony úsh jyl boıy ózgertpeý kerek, – dedi Qýanyshbek Muqash.
Osylaısha, «Respublica» partııasy kúshti kásipkerlik mádenıetti qurýǵa jáne damytýǵa basa nazar aýdarady. Olar naqty jáne turaqty erejeleri bar bıznes-ortany qalyptastyrý, qoljetimdi qarjy quraldary men qyzmetterine qoljetimdilikti qamtamasyz etý, adamı kapıtaldy damytý, bıýrokratııalyq kedergilerdi azaıtý jáne kvazımemlekettik sektordyń naryqtyq bıligin shekteý sııaqty bastamalardy kóterip otyr.
