«Qazgıdromet» mekemesiniń ótken jylǵy deregine sáıkes, Astana memleketimizdiń eń las qalalarynyń qataryna qosylǵan edi. 2019 jyly elordada atmosferaǵa 108 myń tonna lastaýshy zat taralypty. Onyń 29%-y – jeke sektorǵa tıesili.
Kezdesý barysynda partııalyqtar turǵyndardan ne sebepti áli kúnge deıin gaz ótkizilmegeni týraly, gazben jabdyqtaý jelileriniń quny, gaz ornatýdaǵy qandaı qıynshylyq kezdesetini jaıynda surap, onyń sheshim joldaryn qarastyrdy. Ekolog mamandar qalany gazdandyrý aýaǵa taralatyn zııandy qaldyqtardy 6 ese, qatty zattardy 40 myń tonnaǵa deıin azaıtady dep boljap otyr. Baıtaqtar elordany gazǵa kóshirýdi jyldamdatýǵa belsene atsalysyp júr. Bul saladaǵy jumystar neǵurlym tezirek júzege assa, soǵurlym qalanyń ekologııasyna jaqsy áser etpek. Ári jeke úılerde turatyn turǵyndardyń ómir súrý sapasy da jaqsara túsedi.
Kezdesý aıasynda turǵyndarǵa aldaǵy naýqannyń mańyzdylyǵy men partııanyń saılaýaldy baǵdarlamasy keńinen túsindirildi. Aımaqtaǵy ótkir məseleler kóterilip, sheshý joldary pysyqtaldy. Buǵan deıin «Baıtaq» jasyldar partııasy «Taza ómir» atty bir aptalyq ekologııalyq marafonyn bastaǵan bolatyn. Is-sharaǵa aýasy lastanǵan qalalardyń turǵyndary, ekobelsendiler men partııa jaqtastary qatysyp jatyr. Aksııa ónerkəsiptik kəsiporyndardan atmosferalyq aýany lastaýshy zattardyń shyǵarylýyn azaıtýdy maqsat etip otyr. Sebebi iri ónerkəsiptik qalalarda turatyn adamdar densaýlyqqa əser etetin zııandy jəne ýly zattarǵa toly aýamen tynys alýǵa məjbúr. «Biz jeke sektordyń kómir otynynan tabıǵı gazǵa kóshýin jəne jańartylatyn energııa kózderin paıdalanýdy kózdeımiz», deıdi partııa basshylyǵy. Partııadan Parlament Məjilis depýtattyǵyna tizim boıynsha 18 kandıdat usynylǵanyn atap ótken jón. Olardyń qatarynda əıelder kvotasy boıynsha – 4, jastar kvotasymen – 1, múgedektigi boıynsha 1 úmitker bar.
