Lıýblıanısa ózeniniń jaǵalaýynda jalaýy jelbiregen jarysta Rıta Bákisheva (46 kg), Marııa Sevostıanova (57 kg), Samırhon Ababakırov (58 kılo), Nurbek Gazez (63 kg) jáne Eldar Birimbaı (68 kg) barlyq qarsylastaryn sypyra utyp, jeńis tuǵyrynyń eń bıik satysyna kóterildi. Kóptegen asa iri halyqaralyq dodada el namysyn abyroıly qorǵap júrgen Smaıyl Dúısebaı (87 kg) men Rýslan Japarovtan da (+87 kg) dál sondaı nátıje kútken edik. Alaıda jartylaı fınalda súringen saqa sportshylarymyz bul joly qola medaldy qanaǵat tutty. Sol sekildi Aıdana Qumartaeva (46 kg), Botakóz Qapanova (49 kg), Nazym Mahmutova (62 kg), Nuraı Qusaıynova (67 kg), Áziret Dúısenbek (54 kg), Eljan Elshimbaı men Amanbol Begımbetov (58 kg), Rahat Raqym (63 kg), Álibek Ermekbaı (68 kg), Nurlan Myrzabaev (68 kg) jáne Baýyrjan Qasenov te (87 kg) dál sol mejeden kórindi.
Al aqtyq synǵa deıin alqynbaı jetken Nargıza Qoıshybekova (46 kg), Vıktorııa Kýchına (57 kg), Javohırhon Islamov (54 kg), Ádilet Bazarbaev (63 kg), Maqsat Orynbasar (68 kg) jáne Raqym Ádilhanov (80 kg) sheshýshi tusta utylyp, kúmis júldeni enshiledi. Nátıjesinde, jerlesterimiz komandalyq esepte birinshi oryndy oljalady.
