Kezdesý barysynda kandıdattar jınalǵan qaýymdy partııanyń saıası baǵdarlamasynyń negizgi baǵyttarymen tanystyrdy. Parlamentte atqarǵan jumystary, «Aq jol» partııasynyń ustanymdary men usynystary týraly aıtty.
Kandıdattar Parlamenttiń ókilettigin kúsheıtý, bıýdjetten tys jumsalǵan qarjyǵa parlamenttik baqylaýdy qaıtarý týraly partııa usynystaryna jan-jaqty toqtaldy. Aqjoldyqtar saılaý úderisiniń ashyqtyǵy men jarııalylyǵyn qamtamasyz etý maqsatynda saılaý ýchaskelerindegi barlyq rásimderge beınebaqylaý ornatýdy, elektrondy daýys berýdi engizýdi qarastyrýdy usyndy.
Danııa Espaeva «Aq jol» partııasy kásipkerlerdiń múddesin qorǵaıtyn partııa ekenin atap ótti. Kásipkerlikti qoldaý eldiń ekonomıkalyq áleýetin damytý úshin ǵana mańyzdy emes, eń aldymen, bul jumyssyzdyq pen kedeılikpen kúresýdiń basty quraly.
Shaǵyn jáne orta bıznes jumys oryndarymen qamtamasyz ete alady. Sondyqtan «Aq joldyń» osy jyldar boıy Parlament qabyrǵasynda zań shyǵarýshy organ deńgeıindegi basty mindeti – shaǵyn jáne orta bıznestiń múddesin qorǵaý. Jańa Salyq kodeksi boıynsha jumys aıasyndaǵy «Aq jol» dempartııasy mindetteriniń biri – ádil salyq salý.
«Aq jol» partııasy 10 jyldan beri saralanǵan salyq mólsherlemelerin qyzmet túrine qaraı engizýge umtylyp keledi. Prezıdent Q.Toqaevtyń tikeleı tapsyrmasynan keıin jańa salyq kodeksi ázirlenip jatyr, onda qosymsha qun salyǵynyń saralanǵan mólsherlemelerin engizý kózdelgen.
D.Espaeva mıkrokásipkerlik pen ózin-ózi jumyspen qamtyǵandardy salyqtan tolyq bosatý kerektigin atap ótti. Bul azamattardyń memleketke masyl bolmaı, eńbek etip, óz otbasyn ózderi asyrap júrgenine alǵys aıtý kerek. Kezdesý barysynda Serik Erýbaev demokratııa men parlamentarızm máselelerine, oblys, qala ákimderiniń bılikte júrgen kezinde partııalardan shyǵýy, saılaýdyń ádil ótýi, saılaý ýchaskelerinde beınebaqylaý júıesin engizý máselelerine toqtaldy.
