Meıram kúninde qalamyzda 71 sábı dúnıege keldi: onyń 35-i - qyz, 36-sy - ul bala.
«Alǵys kúni – izgi meıram. Eń aldymen jaýapty, izgi is atqaryp júrgen áriptesterime alǵys bildiremin. Búgingi aksııanyń maqsaty – syılastyq pen dostyq sekildi halqymyzdyń ıgi qundylyqtaryn dáripteý», dedi dáriger Anar Qystaýbaeva.
Dárigerlerge sheksiz rızashylyǵyn bildirip, ıgilikti aksııaǵa atsalysqan jandardyń biri Iýlııa esimdi qala turǵyny 5,2 keli aýyr salmaqta batyr uldy dúnıege ákelgen. Aýyr asqynýlarmen túsken naýqas ulyn aman-saý ómirge ákelýge birden-bir kásibı kómek kórsetken aqhalatty jandarǵa rızashylyǵyn bildirdi.
«Maǵan ota jasap, qamqorlyq tanytqan dárigerlerime úlken alǵys. Dáriger ataný — uzaq ári qıyn, jaýapty qyzmet. Bul joldy tańdaýdyń ózi – batyrlyq», dedi ol.
