Jańarǵan «Aqsý»

Jergilikti jankúıerler bıyl «Aqsýdan» júlde kútedi. Ke­zin­de elimizdiń 5 dúrkin chempıony atanǵan «Ertistiń» jeńisti dástúrin jalǵastyraryna senimi mol. Byltyr Qazaqstan birin­shiligine tuńǵysh ret qatysqanyna qaramastan, jerlesterimiz maýsymdy 6-orynmen túıindep, ala dop alamany dese ishken asyn jerge qoıatyn fýtbol jan­kúıerlerin joǵary oryndardan úmittendirip qoıǵan. Áıtpese, Ertis jaǵasynda ornalasqan qalada kópten beri fýtbol toıy ótkizilmegenin by­laıǵy jurt jaqsy biledi.

Jańa maýsymda Rýslan Esimov jergilikti komanda­ny ka­pıtan retinde alańǵa bas­­tap shyǵady. Klýb kapıta­ny «Aqsýda» byltyrǵy tamyz­dan oınaı bastaǵan, al oǵan deıin «Eki­bastuz» ben «Er­tis», aq­taý­lyq «Kaspıı», qy­zyl­jarlyq «Qy­zyljar» koman­dalarynyń namysyn jyrtqany málim.

Komanda quramy bıyl 60 paıyzǵa jańarǵanymen, ondaǵy 8 oıynshynyń Pavlodar fýtbol mektebiniń túlegi eke­ni qýan­tady. О́ńirdiń fýtbol rezer­vindegi jas fýtbolshy­lar «Sport-Sıtı» sport qala­shy­ǵynyń jabyq manejinde jyl boıy jattyǵýǵa múmkindik alǵan. Aldaǵy ýaqytta óńirde jańadan bes mektep stadıony men 20-dan asa shaǵyn fýtbol alańy salynady dep josparlanǵan. Osynyń barlyǵy Ertis-Baıan óńirindegi fýtbol deńgeıin ósiredi degen úmit zor.

Aıtyp óteıik, jergilikti oıyn­shylardan bólek, bıyl klýb­tyń abyroıyn Qyrǵyzstan ulttyq quramasynyń fýtbolshysy Qaırat Jyrǵalbekuly, ýkraınalyq «Marıýpoldiń» túlegi Artýr Mýrza, qabardın-bal­qar fýtbolynyń ókili Islam Jılov, Fınlıandııa chempıo­natynyń eki dúrkin jeńimpazy Feıt Obılor, brazılııalyq qor­ǵaýshy Braıan Garsııa Sılva, serbııalyq Nıkola Eskıch qor­ǵaıdy. Odan bólek, kezinde «Lı­verpýlde» oınaǵan Tonı Sıl­va, nıgerııalyq Chıdı Osýkvý, «Ben­fıkada» dop tepken Jılson Kosta, taǵy bir brazılııalyq Lýıs Gedesh jankúıerler senimin aq­taıdy degen úmittemiz. «Aqsý» alǵashqy týr oıynyn syrt alańda «Tobylmen» ótkizedi.

PAVLODAR