Qazaqstandaǵy baılanys jáne áriptestik jónindegi FAO bıýrosynyń basshysy Qaırat Nájimıdenovtiń aıtýynsha, bizdiń el bul uıymǵa 1997 jyly múshe bop qabyldanǵan. Uıymnyń maqsaty – álemdegi azyq-túlik qaýipsizdigin qamtamasyz ete otyryp, halyqtyń joǵary sapaly taǵamǵa turaqty qoljetimdiligine kepildik berý. Sondaı-aq uıymǵa múshe memleketterge aýyl sharýashylyǵy sektoryna qoldaý kórsetý.
– FAO basshylyǵy naqty ózgeristerge qol jetkizý úshin ınvestısııalardy ulǵaıtý, ınnovasııalardy damytý jáne búkil álemdegi fermerlerdi qoldaý jónindegi áreketterge nazar aýdarý sııaqty úsh negizgi shartqa basymdyq berip otyr. Keıingi jyldary uıym ǵalymdarǵa, stýdentterge, magıstranttarǵa arnalǵan birqatar oqytý semınaryn jáne fermerlerge ǵylym men tehnıkaǵa ınnovasııalar engizý boıynsha trenıngter ótkizip keledi. Mundaı jobalar Qazaq ulttyq agrarlyq zertteý ýnıversıtetiniń bazasynda da jalǵasyn tabady, – dedi Q.Nájimıdenov Qazaq ulttyq agrarlyq zertteý ýnıversıtetiniń basshylyǵymen bolǵan kezdesýde.
Elimizdegi FAO baǵdarlamalarynyń úılestirýshisi Jańyl Bozaeva nysanaly qorlardyń jobalarynyń azyq-túlik sektory men aýyldardy damytý, orman jáne balyq sharýashylyǵyn jaqsartý ári qalpyna keltirý, jer jáne sý resýrstaryn turaqty basqarý, klımattyń ózgerýin eskere otyryp resýrs únemdeý tehnologııalaryn engizý baǵytyndaǵy jumystarynyń nátıjesine toqtaldy.
Qazaq ulttyq agrarlyq zertteý ýnıversıtetiniń rektory Aqylbek Kúrishbaev halyqaralyq yntymaqtastyqty damytý ýnıversıtettik bilim berýdi halyqaralyq deńgeıge sáıkestendirýdegi mańyzdy qadam ekenin aıtty.
– Qazaq ulttyq agrarlyq zertteý ýnıversıtetiniń halyqaralyq qyzmeti joǵary bilim berý júıesindegi ýnıversıtet mártebesin arttyrýǵa jáne álemdik bilim berý qoǵamdastyǵyna qosylýǵa baǵyttalǵan. Básekege qabiletti kadrlar daıarlaý, irgeli jáne qoldanbaly zertteýler júrgizýdi maqsat etip otyrǵandyqtan, agroónerkásip ınnovasııalaryn damytý jáne fermerlerdi qoldaý boıynsha FAO-men yntymaqtastyqqa múddelimiz. Bilimdi praktıka men oqý úrdisine taratý arqyly agroóndiristiń damýyna yqpal etetin ozyq tájirıbeler men tehnologııalardy taratý úshin ǵalymdar, aýyl sharýashylyǵy ónerkásiptik keshen men joǵary oqý oryndarynyń ózara is-qımylyn úılestirýimiz qajet. Ulttyq agrarlyq zertteý ýnıversıtetinde halyqaralyq bilim berý baǵdarlamalaryn damytý úshin barlyq jaǵdaı jasalǵan, – dedi A.Kúrishbaev.
Kezdesýge FAO aýyl sharýashylyǵy saıasaty jónindegi aǵa sarapshysy Lılııa Mýsına, baǵdarlamalyq taldaýshysy Samat Qaıyrbekov jáne ýnıversıtet ǵalymdary qatysyp, álemde azyq-túlik jetispeýshiliginiń, ashtyqtyń aldyn alý, ınnovasııalyq ǵylymı jobalardy ázirleý men iske asyrýdy talqylady. Osy oraıda extension júıesiniń áleýetin arttyrý, fermerler úshin biliktilikti arttyrý júıesin qurýda ulttyq ýnıversıtettiń ǵylymı-tehnologııalyq ınfraqurylymyn paıdalaný, kadrlardy daıarlaý sııaqty mańyzdy baǵyttardy da FAO-men birlese júzege asyrý mańyzdy.
ALMATY
