Munaıshylardyń, geologterdiń, burǵylaýshylardyń, ınjenerlerdiń, tehnologterdiń, basqa da mamandardyń jemisti jumys isteýiniń nátıjesinde sala otandyq ekonomıkanyń lokomotıvine jáne Qazaqstan halqynyń ál-aýqatynyń berik irgetasyna aınaldy. Ardagerlerdiń aıtýynsha kóptegen kásiporynda, ásirese ózge eldiń kapıtaly bar kompanııalarda sheteldik jáne qazaqstandyq qyzmetkerlerge jalaqy taǵaıyndaý kezinde teńdik saqtalmaıdy. Aýdan turǵyndary úshin medısınalyq qyzmet pen bilim berý sapasyn jaqsartý, turǵyn úı qurylysy, qorshaǵan ortany qorǵaý jáne halyqty jumyspen qamtý máseleleri de mańyzdy bolyp otyr.
Partııa tóraǵasy Erlan Qoshanov atap ótkendeı, aýdanda 2 myńǵa jýyq adamdy jumys ornymen qamtamasyz etetin gaz óńdeý zaýytyn salý josparlanyp otyr. Sondaı-aq partııa iri ınvestorlardyń bıznestiń áleýmettik jaýapkershiligi qaǵıdaty boıynsha oblysty damytýǵa qarajat quıýyn qadaǵalaıdy.
«Korporasııalardyń ústeme tabysy qatardaǵy qyzmetkerlerge laıyqty eńbekaqy tóleýge baǵyttalýǵa tıis. Biz biliktiligi sheteldiktermen birdeı qazaqstandyq mamandarǵa olarmen teń eńbekaqy tólenýine qol jetkizemiz», dedi E.Qoshanov.
Al Parlament Májilisine úmitker Erbol Salyqov, Batys Qazaqstan oblystyq máslıhatqa birmandatty saılaý aýmaǵynan kandıdat Azamat Bısenov jáne qalalyq máslıhatqa úmitker Rafhat Danaǵulov «OralTazaServıs» JShS ujymymen kezdesip, úgit-nasıhat júrgizdi. Erbol Salyqov partııanyń saılaýaldy baǵdarlamasynda eń aldymen halyqtyń tabysyn arttyrý jáne jumyssyzdyq deńgeıin tómendetý mindeti turǵanyn atap ótti. Al bul maqsatty oryndaýdyń tıimdi tetigi – shaǵyn jáne orta bıznesti damytý.
Oblysta qazir 53 myń kásipkerlik sýbektisi tirkelgen. Onda 118 myńnan astam adam eńbek etedi. Endi bul kórsetkishti odan ári arttyrý qolǵa alynady. Partııa shaǵyn jáne orta bıznes arqyly jylyna keminde 500 adamdy jumysqa tartpaq.
