Sapardyń birinshi kúni Qostanaı oblysynda halyqpen keń aýqymda kezdesý ótip, oǵan 1000-nan astam adam qatysty. Ekinshi kúni partııalyqtar oblys pen elimizdiń agroónerkásip keshenin damytýǵa úles qosyp, Qazaqstannyń azyq-túlik qaýipsizdigin qamtamasyz etýmen aınalysyp júrgen eńbek ujymdarymen júzdesti. Atap aıtqanda, «MILH» JShS, «SaryarqaAvtoProm» avtomobıl qurastyrý kásiporny jáne «Baıan-Sulý» kondıterlik fabrıkasyna bardy. Partııa ókilderimen kezdesýge atalǵan kásiporyndardyń 300-ge jýyq qyzmetkeri qatysty.
Qostanaı oblysyndaǵy «Baıan-Sulý» kondıterlik fabrıkasynyń eńbek ujymymen kezdesý barysynda partııanyń teń tóraǵasy, Parlament Májilisiniń depýtattyǵyna kandıdat Dınara Shúkijanova daýys berýge árbir sanaly azamat qatysýǵa tıis ekenin atap ótti.
«Qazaqstannyń árbir azamaty daýys berýge quqyly jáne muny nazardan tys qaldyrýǵa bolmaıdy. Daýys berý kúni biz tek saılaý ýchaskesine baryp qana qoımaı, jańa saıası kúshtiń qalyptasýyna jáne ózgerister úderisiniń iske qosylýyna yqpal etemiz», dedi D.Shúkijanova.
Barlyq patrıottardy elimizdiń bolashaǵy alańdatady. Dınara Shúkijanovanyń aıtýynsha saılaý bıýlletenin toltyrý – ár otandasymyzdyń azamattyq qoǵamnyń tolyqqandy ókili ekenin bildirýi jáne oılastyrylǵan tańdaý jasaǵanyn iske asyrýy.
Sonymen qatar Aqtóbede «Respublica» partııasynyń músheleri men Parlament Májilisiniń depýtattyǵyna kandıdattar jastarmen, Aqtóbe oblysynyń sportshylarymen jáne qoǵamdyq pikir kóshbasshylarymen kezdesýler ótkizdi.
Aıta keterligi, «Respublica» partııasynyń saılaýaldy týry barysynda partııa músheleri Qazaqstannyń barlyq óńirlerine baryp, qazaqstandyqtardyń ózekti máselelerin egjeı-tegjeı talqylaıdy. Qostanaı oblysynda sońǵy kúnderi partııa qataryna kirýge 15 myńnan astam adam ótinish bildirdi.
