Ekobelsendilerdiń jınalysy onlaın rejimde ótti. Jınalysqa Qazaqstan tarapynan Májilis pen qalalyq máslıhat depýtattyǵyna úmitkerler, ekolog-ǵalymdar men stýdentter qatysty.Estonııanyń Jasyldar partııasy 2006 jyly qurylǵan. 13 jyldyń kóleminde estondyq áriptester bir-aq ret Parlamentke mandat aldy. Osy jyly partııa taǵy saılaýǵa túspek. Al baıtaqtar úshin bul – alǵashqy tájirıbe. Eki partııanyń oıy bir arnada toǵysady: ǵylym men ekologııalyq bilimdi damytý arqyly jasyl saıasatty ilgeriletý qajet.
Qazaqstan men Estonııa birlesken jobalarǵa eki eldiń úzdik ǵalymdaryn tartýdy josparlap otyr. Eýropalyqtar bul salada edáýir jetistikke jetti. Estonııa álemdegi eń taza elderdiń qataryna kiretinin atap ótken jón.
Jalpy, kómir tutynýdan tolyq bas tartýǵa bola ma, álde ol múmkin emes nárse me? 2016 jyly álemde birinshi bolyp Belgııa eli qara otyn óndirýden bas tartty. 2020 jyly Shvesııa men Aýstrııa da kómir otyn qoldanbaıtyn boldy. 2024 jyly Ulybrıtanııa joǵaryda atalǵan elderge qosylýdy josparlap otyr. Bul másele – «Baıtaq» partııa músheleriniń basty nazarynda.
Keıbir elderde, mysaly, Germanııada jańa kómir elektr stansalaryn salý jalǵasyp jatyr. Elimizde bul máselege qatysty ekijaqty pikir qalyptasqan. Ekologııa mınıstrliginiń málimetinshe, 2022 jyly elordada JEO-1 jáne JEO-2 gaz qubyrlarynyń qurylysy aıaqtaldy. Biraq qala áli de kók tumanda. «Qazgıdromet» derekteri boıynsha 2022 jyly atmosferadaǵy 108 mln tonna zııandy zattardyń jartysy JEO-dan shyǵarylǵan.
Osy stansada óndiris qashan jańǵyrtylyp, qazandyqtardyń qaı kezeńde kógildir otynǵa kóshetinin bilý úshin «Baıtaq» partııasynyń músheleri iske kiristi. Astana qalasy boıynsha Májilis pen máslıhat depýtattyǵyna kandıdattar JEO-1 ujymymen kezdesý ótkizip, stansany jańǵyrtý, eńbek máselelerin talqylady.
