Esterińizge sala keteıik, oqıǵa 13 aqpanda №4 Petropavl mektebinde bolǵan. Maska kıip alǵan 9-synyp oqýshysy sabaqqa balta ákelip, oqýshylarǵa shabýyl jasaǵan. Shabýyldan úsh bala zardap shegip, olardyń ekeýi jansaqtaý bólimine tústi. Jaqynda olar aýrýhanadan shyǵaryldy.
Oqıǵa kezinde shabýyl jasaǵan oqýshyny ustaǵan jasóspirim men onyń ata-anasy «Jas sarbaz» áskerı-patrıottyq qozǵalysynyń alǵys hatymen marapattaldy. Oǵan kómektesken eki bala da marapattalyp, alǵys hatqa ıe boldy.
Nurıslam Sandybaı ne bolǵanyn túsinbeı qalǵanyn aıtady.
«Bala kenetten toqtap, qyzdy artqy jaǵynan ura bastady. Alǵashynda muny ázil dep oıladyq jáne jaı qarap otyrdyq, biraq qyz otyryp jylaı bastady. Men birden birdeńe durys emes ekenin túsindim de, artynan júgirip baryp, balany ustaı bastadym. Osydan keıin 10-synyptaǵy Aldıar keldi, ol baltany tartyp aldy. Dárigerlerdi alǵashqy kómekke shaqyrýǵa asyqtym», dedi Nurıslam.
