Atalǵan is-sharada tektonıkalyq terbelis pen basqa da seısmıkalyq jaǵdaılarda ónerkásiptik-azamattyq maqsattaǵy ǵımarattar men qurylystardyń beriktigin arttyrýǵa arnalǵan tehnologııalar tanystyryldy. Máselen, Maurer kompanııasynyń damý jáne qurylys dınamıkasy baǵytynyń basshysy Peter Hýber men atalǵan kompanııanyń Shyǵys Eýropa ári TMD-daǵy saýda jónindegi óńirlik dırektory Mark Bresler Ońtústik-Shyǵys Azııa, sondaı-aq Ońtústik pen Soltústik Amerıkada synaqtan ótken birqatar jańa seısmıkalyq qorǵanys konstrýksııasyn usyndy. Onyń ishinde maıatnıkti oqshaýlaǵyshtardyń zamanaýı konstrýksııalary, terbelisterdi beıtaraptandyrýǵa arnalǵan jeti satyly báseńdetkish pen elastomerli tirek elementteriniń artyqshylyǵy túsindirildi.
«Seısmıkalyq oqshaýlaý tásiliniń negizgi ıdeıasy terbelis kezeńin barynsha arttyrýda jatyr. Osy arqyly ǵımaratqa túsetin júkteme tómendeıdi. О́ıtkeni terbelis neǵurlym ulǵaıǵan saıyn konstrýksııa elementterindegi údeý áseri soǵurlym azaıa túsedi. Bul oraıda ǵımarattyń qozǵalýyn báseńdetý tutastaı terbelisti tejeýge múmkindik beretinin aıta keteıik», dedi P.Hýber.
Al Mark Bresler aıtqandaı, Eýropalyq odaqta ǵımarattar men qurylystardy jobalaýda kóbinese Eýrokod-1998 standarty qoldanylady. Onyń birinshi bóligi ǵımarattar men qurylystarǵa qatysty bolsa, ekinshi bóligi kópirlerdi retteýge baılanysty. Onda seısmıkalyq oqshaýlaý komponentteri, atap aıtqanda tirek konstrýksııalaryn retteıtin normalar belgilenip, bul Eýrokod ártúrli seısmıkalyq oqshaýlaý jabdyqtaryn, onyń ishinde oqshaýlaǵyshtar men terbelis báseńdetkishterin ázirleýdiń negizi sanalady.
«QazQSǴZI» AQ-nyń Joǵary qabatty ǵımarattardyń seısmıkaǵa tózimdi zerthanasynyń meńgerýshisi Jasýlan Omarovtyń pikirine súıensek, eýropalyq talapqa saı keletin zamanaýı seısmıkalyq oqshaýlaǵysh konstrýksııalar elimizde burynnan beri qoldanylyp keledi. Mysal retinde ol bir maıatnıkti syrǵymaly tirekterde turǵan Almatydaǵy «Metropol» turǵyn úı keshenin keltirdi.
Budan bólek «QazQSǴZI» AQ men Maurer-diń sarapshylary tájirıbe almasý úshin Qazaq bas sáýlet-qurylys akademııasynyń qyzmetkerleri men stýdentterine dáris ótkizdi. Taıaý perspektıvada qurylys materıaldary men konstrýksııalardy sertıfıkattaý boıynsha, sondaı-aq ǵımarattar men qurylystardyń seısmıkaǵa tózimdiligi men qaýipsizdikti kúsheıtýdegi germanııalyq tájirıbeni Qazaqstanda engizý josparlanyp otyr.
