Álemdik balet keshi

Jýyrda elordada opera jáne balet juldyzdarynyń halyqaralyq festıvali – «Operalııa-2014» aıasynda «Álemdik balet juldyzdarynyń» gala-konserti ótti. Astana kúnine oraı 9-shy ret uıymdastyrylyp otyrǵan sharada Qazaqstan, Brazılııa, Italııa, Germanııa, Reseı, Ýkraına elderiniń ártisteri óner kórsetti. Aıta ketetin jaıt, bıylǵy festıvalǵa qatysýshy juldyzdardyń barlyǵy joǵary deńgeıdegi ónerpazdar. Qazaqstanda da balet óneriniń órkendep, damyp kele jatqanyn kórsetý maqsatynda festıvalǵa elimizden 5 adam qatysty. Olardyń ishinde Abaı atyndaǵy memlekettik akademııalyq opera jáne balet teatrynyń jeke oryndaýshylary Gýlvıra Qurbanova men Farhat Býrıev R.Stoanyń «Parallelıin» A.Ábilǵazınanyń horeografııasy boıynsha oryndasa, pa-de-de baletinen A.Adannyń «Jızelin» J.Perro, J.Korallı, M.Petıptiń horeografııasy negizinde kórermenge áserli kúıde jetkizdi. Sonymen birge, memlekettik «Astana Opera» opera jáne balet teatrynyń jeke oryndaýshysy Áıgerim Beketaeva, Taıyr Gataýovpen D.Lıgetıdiń «Úreıli kóńil kúıin» G.Býrabaevanyń horeografııasy negizinde usynsa, Erkin Rahmatýllaevpen pa-de-de baletinen P.I.Chaıkovskııdiń «Aqqýly kólin» M.Petıptiń horeografııasy boıynsha óte joǵary deńgeıde oryndap shyqty. «Jas Brazılııa baleti» balettik shyǵarma­­­shylyq ќuramynyń jeke oryndaýshylary Amanda Gomes pen Markýs da Sılva L.Mınkýstyń «Don Kıhotyn» pa-de-de baletinen A.Gorkskogonyń horeografııasy negizinde usynsa, Germanııadan kelgen Shtýtgart ulttyq operasynyń prıma balerınasy Alısııa Amatrıan jáne Shtýtgart ulttyq operasynyń premeri Djeıson Reılı T.Hefs­tiń «Mona Lızasyn» I.Galılıdiń horeo­grafııasynda kórsetip zor qoshemetke bólendi. Ulttyq Rım opera jáne balet teatrynyń jeke oryndaýshylary Erıka Gaýdenzı men Djakomo Lıýchı pa-de-de baletinen R.Drıgonyń «Arlekınadasyn» M.Petıptiń horeografııasy boıynsha, Dj.Vılıamstiń «Kún batqandaǵy serýenin» R.Bonavıtanyń horeografııasy negizinde kórermenge usynyp, halyqtyń ystyq yqylasyna ıe boldy. «Operalııa-2014» festıvaliniń «Álemdik opera juldyzdarynyń» gala-konserti 4 shil­­­­dede ótedi dep kútilýde. Sharaǵa Eýropanyń úz­­dik teatrlarynyń jeke oryndaýshylary Leo­­nardo Kaımı, Gva Meı, sonymen qatar, dı­rı­­­jer Alan Bóribaev pen Abaı atyndaǵy qazaq mem­­lekettik akademııalyq opera jáne balet teat­­rynyń sımfonııalyq orkestri men hory óner kórsetedi dep josparlanýda. Maqpal TО́REBEK.