Munda byltyr órtten zardap shekken orman alqabyn qalpyna keltirý jumysy júrgizilip jatyr. Alaıda jumysshylar sany az. Ormanshylardyń aıtýynsha, bos jumys oryndary bolǵanymen, jumys isteýge eshkimniń nıeti joq. О́ıtkeni jalaqynyń azdyǵy jas mamandardy tartýǵa múmkindik bermeıdi.
Parlament Májilisiniń depýtattyǵyna úmitker Ekaterına Smyshlıaeva partııanyń saılaýaldy baǵdarlamasynda osy máselelerge kóp kóńil bólingenin atap ótti.
«Partııanyń saılaýaldy baǵdarlamasynda orman sharýashylyǵy qyzmetkerleriniń jalaqysyn kóterý máselesine mán berilgen. Taǵy qynjyltatyn jaıt – oblysta maman daıarlaý jumysy toqtady. Memlekettik tapsyrys óte az. Kelesi oqý jylynan bastap maman daıarlaý úshin granttar bólý máselesin nazarǵa alamyz», dedi E.Smyshlıaeva.
Budan soń shtab músheleriniń kezdesýi Qostanaı aýdanynyń aýrýhanasynda jalǵasty. Bul – aýrýhanaǵa arnalyp beıimdelgen ǵımaraty joq jalǵyz aýdan. Emdelýshiler jalǵa alynǵan bólmede qabyldanady.
«Biz sizdermen buǵan deıin de kezdesip, osy máseleni talqylaǵan bolatynbyz. Búginde aýrýhana salý máselesi respýblıkalyq deńgeıde sheshimin tapty. Jalpy barlyq shyǵyndy qosa alǵanda joba quny shamamen 2 mlrd teńgeni quraıdy. Qarjylandyrý bıyl bastalady», dedi E.Smyshlıaeva.
Sondaı-aq jastar máselesi L.Tolstoı atyndaǵy Qostanaı oblystyq kitaphanasynda da talqylandy. Kezdesýge stýdentter men «Meniń elim – meniń tilim» jobasyna qatysýshylar qatysty. Kandıdattar aýyldaǵy jas mamandardyń jaǵdaıyn jaqsartý úshin qandaı qadamdar jasalyp jatqanyn aıtty.
Qorytyndy kezdesý Ortalyq bazarda ótti. Turǵyndar jeke máselelerimen júginip, usynys-pikirlerin ortaǵa saldy.
