«Elimizdiń saıası júıesi túbegeıli ózgeristerdi qajet etedi. Bul ózgerister eldiń ál-aýqatyn arttyrýǵa baǵyttalýy kerek. «Aq jol» partııasynyń basty maqsaty – árbir azamattyń erkin damýyna qajetti jaǵdaı jasaý, onyń quqyqtary men bostandyqtaryn qurmetteýge, barlyq azamattyń ómir súrý deńgeıi men sapasyn udaıy kóterý, sondaı-aq Qazaqstan qoǵamy men memleketiniń ekonomıkalyq, áleýmettik jáne saıası órleýi», dedi A.Perýashev.
Sonymen qatar Qazybek Isa «Aq jol» partııasy ulttyq memlekettiliktiń qalyptasýynyń irgeli negizin qalaǵan Alash qozǵalysynyń izbasary ekenin, qazaq qoǵamyn eýropalyq jolmen jańǵyrtýdy, álemdik órkenıettiń ozyq jetistikterimen ulttyq múddelerdi toǵystyrýdy maqsat etkenin atap ótti.
Kezdesý barysynda kandıdattar partııanyń saıası baǵdarlamasyn tanystyryp, Parlamentte atqarylǵan jumystarǵa toqtaldy. Baǵdarlamanyń negizgi alty qaǵıdatyn ataǵan aqjoldyqtar jemqorlyqpen kúres, áleýmettik ádilettilik, aýyldy ıpotekalyq nesıelendirý, aýyl jastaryn qoldaý jáne medısınalyq saqtandyrý boıynsha jınalǵandardyń saýaldaryna jaýap berdi. Turǵyndardyń máseleleri men usynystaryn tyńdaǵan respýblıkalyq shtab músheleri Aqtóbe qalasyna atbasyn burdy. Onda «Atameken» UKP kásipkerlerimen kezdesti.
«Aq jol» partııasy – kásipkerler men otandyq óndirýshilerdiń ókili. Biz bıznestiń múddesin qorǵaý úshin jumys isteımiz. Maqsatymyz – sizder sııaqty óz isin taýyp, otbasyn asyrap, jumys oryndarynyń ashylýyna úles qosyp júrgen azamattarymyzǵa qoldaý kórsetý. Búginde eldiń eń úlken máselesi – baılar men kedeıler arasyndaǵy alshaqtyq. Muny bıznestiń jumysyna kedergi keltirý arqyly emes, azamattardyń tabysyn arttyrý arqyly, halyqty áleýmettik qorǵaýdy qamtamasyz etý arqyly retteı alamyz», dedi A.Perýashev.
