О́z sózinde Irına Álimjanova Almaty men onyń mańaıy seısmıkalyq turǵydan alǵanda búkil Ortalyq Azııa elderiniń ishindegi eń qaýipti aýmaq sanalatynyna toqtaldy. Al Tazabek Sámbetbaı bolsa, elimizdegi qurylys salasynda jemqorlyqtyń beleń alǵanyna alańdaýshylyq bildirdi. Is-sharaǵa sonymen qatar Tótenshe jaǵdaılar mınıstrliginiń ókilderi de qatysty. Mıtıng sońynda rezolıýsııa qabyldanyp, tıisti organdarǵa jiberildi.
Al Parlament Májilisiniń depýtattyǵyna partııa tizimi boıynsha kandıdat Anargúl Ábenova «Domostroıtel» О́K ujymymen úgit-nasıhat kezdesýin ótkizdi.
Kandıdattyń pikirinshe, Jalpyulttyq sosıal-demokratııalyq partııa óz saılaýaldy baǵdarlamasyna sáıkes turǵyn úı baǵdarlamalaryn tolyqtaı qaıta qarastyrýǵa nıetti. Partııa qoljetimdi ıpotekalardy sýbsıdııalaýdy jalǵastyrýdy usynady. Biraq onyń sharty ózgerip, jergilikti bıýdjetter kómegimen ári jergilikti máslıhattyń qadaǵalaýymen iske asyrylýy kerek.
Turǵyndarmen kezdesýde kandıdat halyqtyń áleýmettik jaǵdaıyn jaqsartýdyń tyń tetikterin oılastyrý qajet ekenin alǵa tartty.
«Qazaqstanda nesıege «baılanǵan» adam kóp. Negizinde halyqtyń nesıelený deńgeıi ekonomıkalyq ósimmen qatar júrýi kerek edi. Al azamattardyń bank aldyndaǵy qaryzy ekonomıkalyq ósimnen asyp túsken. Ulttyq bank júrgizgen saýaldama nátıjesi ekonomıkalyq belsendi nemese kishigirim qyzmette júrgen azamattardyń 90 paıyzynyń aılyǵy shaılyǵynan aspaıdy. Demek qazir jurtshylyqtyń qaryzsyz ómir súrýi barynsha shektelgen. Nesıe resimdegen kezde qaryz alýshynyń tólem qabileti, tabysy eskeriletini belgili. Soǵan qaramastan bir adamnyń bir mezgilde birneshe nesıeni qatar alýy tyıylmaı otyr», dedi ol.
