Bıyl 27 aqpanda Bas prokýratýranyń bastamasymen qylmystyq qýdalaý organdary polısııanyń penıtensıarlyq mekemeleri men qyzmettik úı-jaılarynda, quqyq qorǵaý organdarynyń barlyq jedel-tergeý bólimshesinde beınebaqylaý júıeciniń jumys isteý qaǵıdasyn bekitti.
«Beınebaqylaý júıeleri jeke gıgıena oryndaryn qospaǵanda, kelýshilerdiń júrý marshrýttary men rejımdik kabınetterdi de qamtıdy. Naqty ýaqyt rejıminde beınejazbalardy qashyqtan qaraýǵa jáne buzýshylyqtardyń jolyn kesý jóninde jedel sharalar qabyldaýǵa quqyǵy bar adamdardyń tizbesi qalyptastyryldy. Bul sharalar Qazaqstan ratıfıkasııalaǵan azaptaýǵa qarsy halyqaralyq aktilerge saı keledi jáne tergeýdiń ruqsat etilmegen ádisterin boldyrmaýǵa baǵyttalǵan», delingen habarlamada.
Vedomstvo málimetinshe, beınejazbalardy advokattar, jábirlenýshiler, kúdiktiler, aıyptalýshylar, sot jáne basqa organdar dálel retinde paıdalana alady.
