Qyzmet kórsetiletin ákimshilik ýchaskelerde quqyq buzýshylyqtardyń aldyn alý sharalaryn kúsheıtý maqsatynda elordalyq polısııa departamentiniń qyzmetkerleri barynsha pysyqtaý jumystaryn júrgizip jatyr. Máselen, «Qoǵamdyq qaýipsizdik» jedel aldyn alý is-sharasyn ótkizý barysynda Baıqońyr aýdany PB ýchaskelik polısııa ınspektorlary Arman Bolǵanbaev Rýslan Ábilqaıyrov ákimshilik ýchaskeni aralaý kezinde Abaı dańǵylynda kúdikti er adamdy baıqaǵan. Ol qardyń arasynan birdeńe izdep júrip, polısııa qyzmetkerlerin kórgende qobaljyp, jasyrynýǵa tyrysqan.
Alaıda polıseıler qashyp bara jatqan adamdy qýyp jetip, qashý sebebi men qujattaryn suraǵan. 24 jastaǵy azamat óziniń bergen kórsetpelerin shatastyra bastaǵan jáne tyıym salynǵan zattardyń baryn joqqa shyǵarǵan. Sodan keıin ol mef esirtki zattaryn jasyrýmen aınalysatynyn moıyndaǵan jáne 30-ǵa jýyq esirtki salynǵan túıinshek baryn aıtqan.
Qazirgi ýaqytta tekserý júrgizilip jatyr. Ýchaskelik ınspektorlardyń qyraǵylyǵynyń arqasynda esirtki jasyrýmen aınalysatyn adam qolǵa tústi. Atalǵan faktige qatysty QR QK-niń 296-baby 2-bóligi boıynsha sotqa deıingi tergeý júrgizilip jatyr.
