Týrǵa partııa tóraǵasy Aıdarbek Qojanazarov, Parlament Májilisiniń depýtattyǵyna kandıdattar Qyrmyzy Jandosova, Dınara Naýmova, Ekaterına Smolıakova, Oljas Bolatbekuly jáne Ermek О́mirzaqov qatysty.
Kezdesýlerdiń birinde A.Qojanazarov atap ótkendeı, partııa taǵy bir mańyzdy belesti eńserdi: atqarylǵan jumystardyń qorytyndysy boıynsha halyqty jalpy qamtý qazirdiń ózinde 1 000 000 adamnan asty.
«Bul kórsetkishte bizdiń elimiz boıynsha kúndelikti ótkizetin halyqpen kezdesýler de, barlyq aýdanda jáne túrli medıaarnalar arqyly júrgizilip jatqan basqa da kommýnıkasııalyq jumystar da eskerilgen. Naqty nátıjeni kem degende partııa qataryna ótýge túsken ótinishterdiń sanymen ólsheýge bolady: sońǵy jańartylǵan málimetter boıynsha olardyń jalpy sany 153 myńǵa deıin jetti», dedi partııa jetekshisi.
700-ge jýyq adam qatysqan Petropavl halqymen kezdesýde partııalyqtar halyqtyń tabysyn arttyryp, qalada da, aýylda da turatyn azamattarǵa teń múmkindik týǵyzý qajettigi týraly máseleler kóterildi.
«О́ńirlerdiń negizgi máselelerin granttar bólý arqyly emes, bilim berý salasyn bıznespen tyǵyz biriktirý arqyly sheshý kerek. Bıznes olardyń qajettiligin sheship otyrady, qandaı kadrlar qajet ekenin de aıtady. Al kolledjder men ýnıversıtetter óz kezeginde kadrlardy daıarlaýy kerek. Bul – jumyssyzdyq máselesin sheshýdiń birden-bir joly», dedi Oljas Bolatbekuly.
Qyrmyzy Jandosova qazaqstandyq bilim berý júıesin qazirgi zamannyń shyndyǵyna beıimdeý kerektigin aıtty. Eń aldymen bul baǵytta mektepke deıingi bilim berý júıesin ózgertý qajet.
«Respublica» partııasynyń saılaýaldy baǵdarlamasyndaǵy bastamalardyń biri – balabaqsha tárbıeshileriniń mártebesin ózgertý. Olardy bilim berý, oqytý, eńbekaqy jáne áleýmettik qamtamasyz etý jaǵynan mektep muǵalimderimen teńestirý qajet», dedi Q.Jandosova. О́z kezeginde Dınara Naýmova múmkindigi shekteýli jandardy ońaltý úderisin jetildirý kerektigin alǵa tartty.
