Mádenıet, tilderdi damytý jáne muraǵat isi basqarmasynyń basshysy Dosbol Ábdirisov brıfıngte qoımalardyń júktemesine baılanysty muraǵat mekemeleriniń ınfraqurylymyn jaqsartý máselesi birinshi kezekte turǵanyn atap ótti.
«О́nerkásipke muraǵattar úshin zamanaýı tıptik ǵımarattar salý nemese bosatylǵan memlekettik múlik esebinen bos úı-jaılardy bólý qajet. Sońǵy úsh jylda biz Qyzyljar jáne Esil aýdandarynyń muraǵat fılıaldaryna ǵımarattar satyp aldyq. Qazir qalalyq muraǵat pen Ýálıhanov aýdanyna úı-jaı bólý máselesi qarastyrylyp jatyr», dedi Dosbol Ábdirisov.
Oblystyq muraǵattar jylyna 30 myńnan astam memlekettik qyzmet kórsetedi.
«Arhıv salasy tarıhı-mádenı murany saqtaý, damytý jáne nasıhattaýda mańyzdy ról atqarady jáne ǵylymı-zertteý qyzmetiniń ortalyq býyny bolyp esepteledi. Sonyń bir dáleli – tarıhı tulǵalardyń umyt bolǵan esimderin jańǵyrtý, saıası qýǵyn-súrgin qurbandaryn aqtaý, tarıhı oryndardy qalpyna keltirý jumystary júrgizilip jatyr. Bıyl muraǵat salasyna 100 jyl tolyp otyr. Arhıvshilerdiń respýblıkalyq forýmy men «Arhıv – altyn qazyna» halyqaralyq konferensııasyn ótkizý josparlanyp jatyr», dep qosty Dosbol Ábdirisov.
Oblysta 14 fılıaly bar bir memlekettik muraǵat bar, onyń qorynda 1,7 mıllıonnan astam qujat bar.
