«Bıyl jemqor sheneýnikterdiń aqshasyna 70-ten astam mektep salynady. Ol úshin qujattarymyz bar, tizim de bar. Kúnderdiń bir kúninde bul tizim qoldaý taýyp, qurylysqa qarjy bólinetin bolady. Bul mektepter 20-ǵa jýyq oblysty qamtıdy», dedi mınıstr úkimet otyrysynda.
Mınıstr bul joba jańa mektepter salýdy da, burynnan bar mektepterdi jóndeýdi qarastyratynyn atap ótti.
Eske salaıyq, Qarjy mınıstrliginiń arnaıy shotynda jemqor sheneýnikterden tárkilengen 120 mıllıard teńge jınalǵan.
Buǵan deıin Qasym-Jomart Toqaev halyqqa joldaýynda jemqorlardan tárkilengen aqsha mektep salýǵa jumsalatynyn aıtqan edi.
«Jalpy, mektep salý úkimet pen ákimdikterdiń basty mindetteriniń biri bolýy tıis», dep atap ótti buǵan deıin Memleket basshysy.
