Habarlamada kórsetilgendeı, 2013 jyldyń 24 jeltoqsanynda Aqmola oblysy Sandyqtaý aýdanyndaǵy «Hlebnoe» aýylynda A.V.Grın, N.A.Vasılev jáne K.T.Qulybaev úsheýi araq ishedi. Sodan, ishimdikke toıǵan úsheýdiń arasynda janjal týyp, A.V.Grın men N.A.Vasılev úı ıesi K.T.Qulybaevty judyryqtaı jóneledi. Osy kezde úı ishine K.T.Qulybaevtyń dosy A.K.Seıtenov kirip keledi. Ol birden jaǵa jyrtysyp jatqandardy sabyrǵa shaqyryp, ajyratpaq bolady.
Osy kezde ábden qyzyp alǵan A.V.Grın men N.A.Vasılev úı ıesin qoıyp, A.K.Seıtenovtiń jaǵasynan jarmasyp, onyń ózin soqqyǵa jyǵady. Sodan keıin, ábden esten aıyrylǵan N.A. Vasılev A.K. Seıtenovtiń tý syrtynan kelip, keńirdegin pyshaqpen oryp jiberip, keýdesine birneshe ret suǵady. Isti bolǵandar munymen shektelmeı, óz qylmystaryn jasyrý maqsatynda úı ıesi K.T.Qulybaevty da baýyzdap óltiredi. Sosyn baryp, oqıǵa oryn alǵan úıge ot qoıady. Biraq ústine gaz ballon qoıylyp, astynan ot jaǵylǵan pesh ózinen ózi sónip qalady. Osylaısha, bul qylmystyq oqıǵanyń jedel ashylýyna sebepker bolady. Osy qylmystyq oqıǵaǵa qatysty júrgizilgen sot prosesi boıynsha aıypkerler: A.V.Grın 21 jylǵa, N.A.Vasılev 22 jylǵa sottaldy.
Joldybaı Bazar.
Derekkóz: «QazAqparat». Foto: aktobegazeti.kz.
