Ulttyq ulan arýlary

Ulttyq ulan Bas qolbasshylyǵynyń Qujattamalyq qamtamasyz etý basqar­masynyń qupııa qujattar bóliminiń aǵa mamany, serjant Ulpan Imanǵalıevanyń ásker sapynda qyzmet etip kele jat­qanyna 17 jyldan asypty. Ulpan Nur­lan­qyzy alǵashqy eńbek jolyn 2006 jy­ly Aqtóbe qalasyndaǵy 6655 áskerı bóliminiń Qupııa bóliminde jaýapty maman bolyp bastaǵan.

Qujatpen jumys isteý – qashanda jaýapkershilikti, jınaqylyqty pen muqııat bolýdy talap etedi. Sol sebepti de keıipkerimiz osy qasıetterdi boıyna sińirgen jaýapty maman. Sol jaýap­kershiliginiń arqasynda Ulttyq ulan Bas qolbasshylyǵy, Ishki ister mınıstrligi tarapynan alǵan marapattary da jeterlik. Ol óz isiniń bilgir-mamany bolýymen qatar, otbasynda da súıikti jar, aıaýly ana. Joldasy Qanatpen birge qyzy Kamı­lany tárbıelep otyrǵan úlgili otbasy.

Ulttyq ulannyń О́skemen qalasyndaǵy 6699 áskerı bóliminiń taǵy bir arýy – áskerı bólim shtabynyń aǵa mamany, serjant Madına Baqtybaeva. Onyń eńbegine áskerı bólimniń basshylyǵy árqashan joǵary baǵa berip otyrady. Madına Dáýletqanqyzy Shyǵys Qazaqstan oblysynyń Samar aýdanyndaǵy Samar aýylynda dúnıege kelgen. Áskerı salaǵa kelýine Ekinshi dúnıejúzilik soǵystyń ardageri, keńes odaǵynyń batyry atanǵan naǵashy atasy muryndyq bolǵan. Onyń sýretteri men estelikteri jaýqazyndaı qyzdyń júreginde otanshyldyq otyn tutatty. Sebebi, úıiniń tórinde ilýli turǵan áskerı formany kórip, áskerı qyzmetshi bolýdy armandaǵan.

Armanǵa qol jetkizip, búgingi tańda quqyqtyq tártip áskeri qatarynda qyzmet atqaryp júr. Ol 2001 jyldyń aqpan aıynan bas­tap Ishki ásker qatarynda qyzmette. Alǵashqy qyzmetin 5518 áskerı bóliminiń atqyshtar batalony 4-atqyshtar rotasynda baqylaý-ótkizý pýnkti saqshysynan bastaǵan. Jany názik áskerı qyzmetshige mundaı jaýapty qyzmetti atqarý úlken jaýapkershilikti talap etkeni sózsiz. Biraq qaısar qazaq qyzdary barlyq aýyrtpashylyq pen mindetti atqara alatynyn dáleldegen Madına Dáýletqanqyzy laýazymdyq mindetin úzdik atqaryp, óz isiniń maıtalman mamany atandy. Búginde ol jastarmen tájirıbesimen bólisip otyrady. Serjant Madına Baqtybaeva joldasy Oralbek Seıdqazyulymen úsh qyz tárbıelep otyr.

«Áıel adam bir qolymen besikti, ekinshi qolymen álemdi terbetedi» degendeı, qolyna qarý ustap, Otannyń tynyshtyǵyn qamtamasyz ete otyryp, otbasyna jylýyn aıamaı otyrǵan arýlardyń biri – 5571 áskerı bóliminiń jedel maqsattaǵy batalonynyń 1-jedel rotasynyń aǵa sanıtary, aǵa serjant Gúlzat Isekova. Ol – kópbalaly ana, janjary Bekbolat Baıtashulymen birge Kúnsara, Altyn, Gaýhar jáne Erasyl, Abylaıhan men Baıan sulý atty búldirshinderdi tárbıelep otyr. «Otanǵa qyzmet ete oty­ryp, bala tárbıesine qa­laı kóńil bólesiz?» degen sura­ǵymyzǵa keıipkerimiz bylaı dep ja­ýap berdi:

– Qazaqta «Áıel – qyryq shyraqty» degen jaqsy sóz bar. Sol asyl sózdi joqqa shyǵar­maı, dáleldep otyrǵan qazaq qyzdary kóp. Qyz­darymnyń aldy jıyrmadan asty, sondyqtan ma­ǵan asa kóp qıyndyq týyp turǵan joq. Birin-biri ba­ǵyp, qolǵabys etip, bizdiń qol­ǵanattarymyz bolyp júr. О́zim Ońtústik Qazaqstan ob­lysynyń týmasy bolǵan­dyqtan, kópbalaly otbasy

atanýdy armandaıtyn­­myn. Osyndaı denderi bútin, aqyl-esteri saý balalarymyz úshin Jaratqanǵa táýbe ete­miz. Ýaqyt degen tapshy zaman ǵoı, onyń ústine Ulttyq ulan qatarynda áskerı qyz­­mette júr­gen­dik­ten, kún-tún demeı, ártúrli jat­tyǵý­lar­ǵa, jıyndarǵa shyǵyp kete­tinimiz ras. Biraq onyń barlyǵyn syltaý etpeı, mindetti túrde demalys kún­derimdi balalaryma ar­naýǵa tyrysamyn. Ol tek qydyrý, bir jerge baryp demalý emes, sonymen qatar syrlasamyz, qandaı túıindi máseleler bar, sony birigip sheshýge tyrysamyz. Qazaqtyń áıelderi myqty ǵoı, sol myqtylyǵymyzdy dáleldeýge tyrysyp-baǵamyz, – deıdi ol.

Taǵy bir erekshe mamandyq ıesi –Astana qalasyndaǵy 3656 ás­kerı bólimine qarasty áýe eskadrılıasynyń qatardaǵy jaýyn­geri Aıdana Omarova esim­di áske­rı qyzmetshi. Onyń maman­dy­­ǵynyń erek­sheligi sol – ol áýe keme­siniń bort-jolserigi qyzmetin atqarady. О́te jaýapty, sonymen qatar qaýipti de mamandyq. Biraq qaısar qyz armanǵa jetý jolynda eshqandaı kedergige qaramastan, óz maqsatyna jetti. Ol bort-jolserik bolýdy bala kúninen armandaǵan. Tabıǵatynan ádemilikti, sulýlyqty jany qalaıtyn Aıdana mamanynyń has sheberi desek te bolady. Qyzmetiniń barlyq talaptaryna saı qazaq qyzy óz laýazymyn qatty unatady. Aıdana Ulttyq ulan qatarynda 2019 jyldan beri qyzmet etip keledi eken.

Keıipkerimiz 1990 jyldyń 4 tamy­zynda Qaraǵandy oblysynyń Nura aýda­nyna qarasty Qaraqasqa aýylynda dúnıege kelgen. Otbasynda eki aǵasynan keıingi erke qyz atanǵan Aıdana qazir Danıl atty ul tárbıelep otyr.

– Bort-jolserik ataný – men úshin maqtanysh. Qyzmetim ózime qatty unaıdy, jaýapkershilik pen yjdaǵattylyqty talap etetin qyzmet. Eń alǵashqy ushqan sátim áli esimde. Qorqynysh pen úreı boldy desem, artyq aıtpaspyn. Sebebi tikushaqqa qyzmetten tys ýaqytta minip júrmiz, al qyzmet babymen áýege kóte­rilgende,

maqtanysh, qýanysh sezimi keý­deńdi kerneıdi, onyń ústine Ulttyq ulan qataryndaǵy bort-jolserigi ataný – eki ese qýanysh. Sondyqtan atqaratyn qyzmetimdi jaqsy kóremin. 2022 jyldyń qazan aıynda Ishki ister mınıstr, polısııa general-polkovnıgi M.Ahmetjanovtyń atynan «Ishki ister organdarynyń úzdigi» tós belgisimen marapattaldym. Bul marapat meniń qyzmetimniń jemisi dep oılaımyn jáne eńbegimdi baǵalaǵan áskerı bólim basshylyǵyna alǵysymdy aıtamyn, – dep óz oıymen bólisti Aıdana Joldybaıqyzy.

Salmaqtylyǵy men sabyrly minezimen ujymyna syıly taǵy bir arý – 6636 áskerı bóliminiń Tyldaǵy qamtýshy aǵa mamany, efreıtor Elmıra Jumaǵalıeva. Qazaqy salt-dástúrdiń qaımaǵy buzylmaǵan Qyzylorda oblysy Aral aýdanynyń týmasy, júregi «qazaq» dep soǵatyn patrıot. Elmıra Jaqsatqyzy áskerde 2011 jyldan 2014 jylǵa deıin qyzmetshi bolsa, 2014 jyldyń 22 mamyrynda áskerı ant qabyldap, forma kıip, áskerı qyzmetshi atanady. Qazirgi tańda áskerı ómirdiń qyr-syryn úırenip, Áskerı Jarǵy talaptaryn jatqa biletin dárejege jetti. Qyzylorda qalasyndaǵy

Qorqyt Ata ýnıversıtetinde 4 jyl bilim alyp, quqyqtanýshy mamandyǵynyń ıesi atanǵan. Bala kúninen nysandy kıimge qatty qyzyǵyp, áskerı adam bolýdy armandaǵan arýymyz Ulttyq ulan qataryna kelip, maqsatyna jetkenin maqtan tutatynyn jasyrmady. Basshylyq tarapynan óte jaýapty maman, adal áske­rı qyzmetshi degen baǵaǵa laıyq­ty. Áriptesteri ony óz isine jaýapkershilikpen qaraıtyn, qura­laıdy kózge atqan mergen retinde de baǵalaıdy. 2014 jyly eń alǵash atý alańyna barǵan sátte joǵary baǵa alyp, sol kezdegi áskerı bólim komandıriniń ózi joǵary baǵa bergen. Áli kúnge deıin qarýlastary «mergen qyz» dep ázildeıdi eken. Onymen qosa, sportqa da kóp kóńil bóledi. Ol áskerı qyzmetshiler arasynda qashyqtyqqa júgirýden de úzdikterdiń qatarynda, tipti er-azamattarǵa da shań ilestirmeı ketetin qasıeti bar.

Búginde Ulttyq ulan qatarynda myń­ǵa jýyq názik jan qyzmet atqaryp júr. Arasynda «polkovnık» áskerı she­nine jetkenderi de bar. Sonymen qatar sport, óner, medısına salasynda joǵary kórsetkishterge qol jetkizip, memlekettik nagradalarǵa ıe bolǵandary da jeterlik. Qatardaǵy qos arý «Qurmet» ordenimen marapattalsa, bir áskerı qyzmetshi Qazaqstan Prezıdentiniń Qurmet gramotasymen marapattalǵan. Taǵy bir arýymyz «Qazaqstan Respýblıkasynyń eńbek sińirgen qaıratkeri» atandy. Áskerı qyzmet pen otbasyn qatar alyp júrgen Ulttyq ulan arýlary osyndaı!