Kandıdattardyń zııaly qaýym ókilderimen jáne aýyldyq mádenıet úıleriniń qyzmetkerlerimen kezdesýi «Ulytaý – ult uıytqysy» taqyrybynda ótti. Kandıdattar úgit-nasıhat jumystaryn júrgizip, qatysýshylarmen aýyldaǵy mádenıet salasyna qajet qoldaý týraly sóz qozǵady.
«Bizdiń saılaýaldy baǵdarlamamyzda aýyldyq aýmaqtardy jaqsartýǵa qajet barlyq aspekti eskerilgen. Qazirgi tańda aýyl men qala arasynda birden kózge uratyn áleýmettik teńsizdik bar. Ol ekonomıkanyń naqty sektoryna jáne aýyldyń demografııalyq áleýetine zııan keltiretin qaıtymsyz ýrbanızasııa úderisin bastady. Aýyl turǵyny, ásirese áıelder men jastar úshin qalaǵa barý «barsa kelmeske» aınaldy. Sondyqtan «Aýyl» partııasy aýyl men qala arasyndaǵy qyzmet sapasynyń aıyrmashylyǵyn aıtarlyqtaı qysqartýdy kózdeıdi. Qala turǵynyna berilgen barlyq jaǵdaı men jaılylyq aýyl turǵynynda da bolýǵa tıis», dedi Abzal Jıenbaev.
Budan keıin kandıdattar Ulytaý oblysynyń aýyl sharýashylyǵy óndirýshileriniń dóńgelek ústeline qatysty. Jınalysta kandıdattar «Aýyl» partııasy Parlament Májilisinde «Azyq-túlik qaýipsizdigi týraly» jańa zańdy qabyldaýǵa bastamashy bolýǵa daıyn ekenin atap ótti.
«Bul zań aýyl halqyn sapaly jáne turaqty áleýmettik qamtamasyz etýge, aýyl ınfraqurylymyn turaqty bıýdjettik qarjylandyrýǵa, agrarshylar men otandyq azyq-túlik óndirýshilerin sózsiz memlekettik qoldaýǵa berik kepildikter beredi», dedi kandıdattar.
Sondaı-aq «Aýyl» partııasynyń delegasııasy Sátbaev qalasynda bolyp, «Qazaqstan» sporttyq-saýyqtyrý kesheniniń ujymymen kezdesti. Keshen qyzmetkerleri partııanyń saılaýaldy baǵdarlamasymen tanysyp, ózderin qyzyqtyrǵan suraqtaryn qoıdy. Kandıdattar aıtylǵan máselelerdi, usynystardy nazarda ustap, quzyrly organdarmen birge problemany sheshýdiń jolyn qarastyrýǵa ýáde berdi.
