Senat Spıkeri quqyq qorǵaý organdarynyń ǵımarattary beınebaqylaýda bolatyny jáne barlyq is-áreketter tirkeletini týraly jaqynda qabyldanǵan ereje mańyzdy jáne ýaqtyly bolǵanyn atap ótti. Bul tásil belgili bir adamdarǵa zańsyz áreketterdiń qoldanylǵanyn dáleldeýge septigin tıgizedi.
Osyǵan baılanysty Máýlen Áshimbaev quqyq qorǵaý organdarynyń barlyq ǵımarattarynda beınejazba bolýy týraly naqty talapty zańnamaǵa jazýdyń qajettigi týraly sóz qozǵady.
«Biz Qylmystyq kodekske azaptaǵany úshin jazany kúsheıtetin erejelerdi engizdik, bul óte durys. Quqyq qorǵaý organdarynyń áreketterine, keıbir qyzmetkerlerdiń zorlyq-zombylyǵyna qatysty kóptegen shaǵym túsetinin aıta ketý kerek. Senatqa da ondaı shaǵymdar kelip jatyr. Biraq tájirıbe kórsetip otyrǵandaı, mundaı isterdiń basym kópshiligi sotqa deıin jetpeıdi, óıtkeni zorlyq-zombylyq, azaptaý jáne t.b. bolǵan faktilerdi dáleldeý, anyqtaý óte qıyn. Osyǵan baılanysty, biz jaqynda ǵana prokýratýramen birlesip quqyq qorǵaý organdarynyń barlyq qyzmettik ǵımarattaryna beınebaqylaý ornatýdy talap etetin ereje qabyldaǵanyńyzdy bilemiz», dep atap ótti Máýlen Áshimbaev.
Osyǵan deıin Memleket basshysy Qasym-Jomart Toqaev quqyq qorǵaý organdarynda beınebaqylaýda kórinbeıtin jerler bolmaýy tıis ekenin aıtqan edi.
