Memleket basshysymen júzdesken jastar ózderiniń jetistikteri týraly aıtty.
Prezıdent elimizdiń bolashaǵy óskeleń urpaqtyń qolynda ekenine toqtalyp, memleket eńbekqor jastarǵa, olardyń ıdeıalary men usynystaryna árqashan qoldaý kórsetetinin aıtty. Sondaı-aq Qasym-Jomart Toqaev daryndy jastarǵa jol ashý kerek ekenin jetkizdi.
Aqsaı qalasyndaǵy Jastar resýrstyq ortalyǵy jergilikti turǵyndarǵa birneshe baǵyt boıynsha qyzmet kórsetedi:
Ortalyqta «Bolashaq» kovorkıng alańy, «Aıala» qaıyrymdylyq dúkeni jumys isteıdi.
Munda NEET sanatyndaǵy jastardy jumysqa ornalastyrýmen aınalysatyn Jastarǵa qyzmet kórsetý ortalyǵy bar.
Ortalyq mamandary jasóspirimderge, ómirde túrli qıyndyqqa tap bolǵan jandarǵa psıhologııalyq kómek kórsetedi.
Kezdesý barysynda «Serpin» baǵdarlamasynyń túlegi Dııor Nýrýllaev Memleket basshysynan monoqalalardy damytý baǵdarlamasynda jas mamandardy baspanamen qamtamasyz etý múmkindigin qarastyrýdy surady.
