Qorqyt ata atyndaǵy Qyzylorda ýnıversıtetiniń stýdentteri eshkimge qajetsiz sol qaýyzdan kórpeshe jasap shyǵarypty. Olardyń aıtýynsha, «Active Seat»kórpeshesi densaýlyqqa paıdaly bolmaq.
– Qazirgi ýaqytta adamdar ýaqytynyń kóbin otyryp jumys isteýmen ótkizedi. Qımyl-qozǵalystyń azdyǵynan túrli aýrýlardyń da paıda bolatyny belgili. «Active Seat» jobasy osynyń aldyn alýǵa sep bolady degen oıdamyz, – dedi «Enactus Korkyt Ata university» komandasynyń kapıtany Temirlan Ábjanov.
Aldaǵy ýaqytta startapshylar ekologııalyq jáne áleýmettik jobalar baıqaýlaryna qatyspaq. Sonymen qatar «Active Seat» jobasyn «Enactus Kazakhstan National Expo» stýdenttik kásipkerliktiń, startaptar men ınnovasııalardyń ulttyq kýbogi baıqaýyna usyný oıda bar.
Ýnıversıtette stýdentter arasynda kásipkerlikti damytý, tyń ıdeıalarǵa qoldaý kórsetý maqsatynda kásipkerlik ortalyǵy jumys isteıdi. Osyǵan deıin ortalyqta «Startup Bolashak. Meniń armanym» jobasy, «Zhas project» baǵdarlamasy, «HackDay» jáne «Smart city Kyzylorda» hakatondary jáne basqa is-sharalar uıymdastyryldy. Bes jyl ishinde
7 myńnan astam jasqa baǵyt-baǵdar berilgen ortalyqtan 89 rezıdent-túlek shyǵyp, jalpy 70 mln teńgege jýyq qarjy tartyldy.
QYZYLORDA
