Atyraý oblystyq balalar aýrýhanasy baspasóz qyzmetiniń aqparatyna qaraǵanda, omyrtqadaǵy julynnyń bulshyq et atrofııasyn emdeýge Nýsınersen (Spınraza) preparaty qajet. Biraq onyń bireýi 42 mln teńge turady. О́tken jyldyń sońynda aýrýhanaǵa 126 mln teńgege osyndaı úsh preparat satyp alynǵan.
«Julynnyń bulshyq et atrofııasy nemese SMA – julynnyń aldyńǵy múıizderindegi motorly neırondarynyń údemeli degenerasııasynan týyndaǵan genetıkalyq geterogendi tuqym qýalaıtyn ári emdelmeıtin aýrý. Basqasha aıtqanda, adamnyń bulshyq etteri múldem jumys istemeı qalady. Al Nýsınersen (Spınraza) preparaty osyndaı syrqatqa shaldyqqan balalardyń ómirin edáýir jeńildetedi», dep habarlady aýrýhananyń baspasóz qyzmeti.
Al óńirlik kommýnıkasııalar qyzmetiniń málimetine súıensek, byltyr «Qazaqstan halqyna» qory arqyly atyraýlyq tórt naýqas qymbat dárimen qamtamasyz etilgen. Oblystyq densaýlyq basqarmasynyń yqpalymen úsh naýqas úshin satyp alynǵan dáriniń quny 380 mln teńgeni quraıdy. Bir naýqas «Qazaqstan halqyna» qoryna ózi júgingen.
«О́tken jyldyń sáýir aıynda Atyraý oblysynan «Berardınellı Seıptiń jalpylanǵan lıpodıstrofııasy» dıagnozymen eki bala «Metreleptın» dárilik zatymen qamtyldy. Dáriniń jalpy quny – 201 mln teńge. Al qarasha aıynda «Dıýshendi bulshyqet dıstrofııasy» dıagnozy qoıylǵan 18 jasqa tolmaǵan naýqas 179 mln teńge turatyn «Kasımersen» dárilik preparatymen qamtyldy. Atyraý qalasynan «Qazaqstan halqyna» qoryna ózi kómek alýǵa júgingen onkologııalyq esepte turǵan naýqasqa «Rıbosıklıb» dárisi alynyp berilgen», dep málim etti óńirlik kommýnıkasııalar qyzmeti.
Atyraý oblysy
