О́ńirlik jol kartasy

Oqý-aǵartý mınıstri Ǵanı Beısembaev pen Almaty ákimi Erbolat Dosaevtyń kezdesýinde bilim salasyn jaqsartýǵa baılanysty máseleler talqylanyp, salany damytýdyń 2023-2029 jyldarǵa arnalǵan óńirlik jol kartasyna qol qoıyldy.

«Almatynyń 18 myńǵa jýyq pedagogi biliktilikti arttyrý kýrstarynan ótip, mektepterdiń basqarýshy­lyq quramynyń 450 ókili halyqaralyq menedjment baǵdarlamalaryn oqıtyn bolady. Fýnksıonaldyq saýat­tylyqty, sıfrlyq quzyrettilikter men daǵdylardy qalyp­tastyrý baǵ­dar­lamalaryn 9 myń pedagog meń­geredi. Memleket basshysynyń tap­syr­masyna sáıkes tegin tehnı­kalyq jáne kásiptik bilimmen júz paıyz qamtý úshin kolledjderde memlekettik tapsyrysty 20 myńnan astam orynǵa ulǵaıtý josparlanyp otyr», dedi kezdesýde Ǵ.Beısembaev.

E.Dosaevtyń aıtýynsha, jol kartasy orta bilim berý máse­lelerin sheshý, pedagogterdiń biliktiligin arttyrý sııaqty ma­ńyzdy máselelermen tolyq­tyryldy. Almaty ákimdiginiń josparyna sáıkes mektepke deıingi uıymdarda oryn tapshylyǵy máselesin sheshý úshin 2029 jylǵa deıin balabaqshalarda memlekettik tapsyrysty 35 myń orynǵa ulǵaıtý kózdelip otyr. «Jaıly mektep» jobasy boıynsha bıyldan bastap respýblıkalyq bıýdjet esebinen 37 myń oqýshyǵa arnalǵan 22 mekteptiń qurylysy bastalyp, orta bilim berý uıymdaryna 30 mektep pen 9 qosymsha qurylys salynady. Bul 2025 jylǵa deıin oqýshy oryndarynyń tapshylyǵyn 23 myńǵa tómendetýge múmkindik beredi. Sondaı-aq 50 bilim berý nysanyn jańartý josparlanyp, 200-ge jýyq mektep jańa býyn kabınetterimen qamtylady. Jyl saıyn 2 myńǵa jýyq pedagog biliktilikti arttyrý kýrstarynan ótedi. Al bıyl mektepke deıingi tárbıe men oqytýdyń óńirlik resýrstyq ortalyǵyn ashý kózdelip otyr.

Tehnıkalyq jáne kásiptik bilim berý uıymdarynyń qol­jetimdigi men sapasyn arttyrý mańyzdy. Osy oraıda 2025 jylǵa deıin 300 orynǵa arnalǵan jataqhanasy bar eki kolledj qurylysyn bastaý josparlanyp otyr. Sonymen qatar 4 myńǵa jýyq tehnıkalyq jáne kásiptik bilim berý oqytýshysy biliktilikti arttyrý kýrstarynan, 600 arnaıy pán muǵalimderi men óndiristik oqytý sheberleri halyqaralyq taǵylymdamadan ótip, 85 kolledj basshysy menedjment boıynsha biliktiligin arttyrady.

Qalada atqarylatyn birqatar is-shara ınklıýzıvti bilim berýdi damytýǵa baǵyttalyp otyr. Psıhologııalyq-medısı­nalyq-pedagogıkalyq konsýl­tasııalar jelisin, psıhologııa­lyq-pedagogıkalyq túzetý kabı­netterin keńeıtý, erekshe qajet­tigi bar balalarǵa arna­ıy psıho­logııalyq-pedagogıka­lyq kó­mekke memlekettik tapsy­rys­ty 1 400 orynǵa ulǵaıtý jáne qalalyq ınklıýzıvti resýrstyq ortalyq qurý josparlanyp otyr. Tórt ınno­vasııalyq shyǵar­ma­shylyq ortalyq, eki jazǵy lager salý, qosymsha bilim berýge memlekettik bilim berý tap­syrysyn ulǵaıtý men mektep kitaphanalaryn jańǵyr­tý da – jos­pardaǵy mańyzdy mindetter. Qalanyń jol kartasy sondaı-aq balalardyń shyǵarmashylyq jáne zııatkerlik áleýetin damytý, quqyqtaryn qorǵaý, bilim berý uıymdarynda sybaılas jem­qorlyqqa qarsy is-qımyl sharalaryn da qamtıdy.

ALMATY