Sapar barysynda komıssııa músheleri Parlament Májilisi men máslıhattary depýtattarynyń kezekten tys saılaýyn ázirleý men ótkizý máseleleri boıynsha jergilikti jerlerde kóshpeli semınar-keńester ótkizdi. Is-sharaǵa jergilikti atqarýshy organdardyń ókilderi, oblystyq prokýratýralardyń qyzmetkerleri, aýmaqtyq saılaý komıssııalarynyń músheleri, kandıdattardyń saılaýaldy shtabtarynyń ókilderi, halyqaralyq baıqaýshylar men BAQ ókilderi qatysty. Inspeksııalyq sapardyń negizgi maqsaty saılaý zańnamasynyń jańalyqtaryn túsindirý, saılaý komıssııalarynyń múshelerine ádistemelik kómek kórsetý, sondaı-aq aldaǵy saılaýǵa daıyndyq boıynsha atqarylǵan jumystar týraly óńirlerdiń esepterin tyńdaý ekeni belgili.
Qaraǵandyda ótken jıynda oblys ákimi apparatynyń basshysy Erlan Ǵalıev óńirde saılaýdy uıymdastyrý boıynsha júrgizilip jatqan jumystar týraly habardar etti. Ol oblystaǵy saılaýshylar sany 761 471 adamdy quraıtynyn atap ótip, 654 saılaý ýchaskesiniń jumysy uıymdastyrylǵanyna toqtaldy.
«Saılaý ýchaskelerin ashý barysynda múgedektigi bar adamdardyń da qajettilikteri eskerilip, arnaıy jabdyqtalǵan buryshtar ashyldy. Onda saılaý bıýlletenin toltyrý tártibiniń aýdıo nusqalary, saılaý boıynsha aqparatty tyńdaý, qosymsha jaryqtandyrý jáne optıkalyq túzetý quraldary qoıylady. Sondaı-aq kreslo-arbalardy paıdalanatyn saılaýshylar úshin jasyryn daýys berýge jáne júrip-turýǵa arnalǵan kabınalardyń yńǵaılylyǵy, sondaı-aq aqparattyq materıaldarmen tanysýdyń qoljetimdiligi qamtamasyz etiledi. Sóıleý nemese estý qabileti buzylǵan adamdar úshin dybys kúsheıtkishteri men qulaqqaptar ornatylady», dedi E.Ǵalıev .
Semınar-keńes barysynda oblysy prokýrorynyń birinshi orynbasary Vıtalıı Shaber saılaý naýqanynyń barlyq kezeńderinde zańdylyqtyń saqtalýyn joǵary qadaǵalaýdy qamtamasyz etý jónindegi jumys týraly baıandady.
Al Ulytaý oblysynda atqarylyp jatqan jumystar týraly ákim apparatynyń basshysy Abzal Jaılybaev esep berdi. Apparat basshysynyń aıtýynsha, búgingi tańda aımaqta 70 okrýgtik saılaý komıssııasy jumys isteıdi. Oblys boıynsha barlyǵy 134 saılaý ýchaskesi, onyń ishinde 123-i erekshe qajettilikteri bar adamdar úshin kedergisiz qoljetimdilikpen jabdyqtalǵan, qalǵan 11 saılaý ýchaskesi ýaqytsha pandýstarmen jabdyqtalǵan. Saılaý naýqany kezinde kórý qabileti buzylǵan adamdar úshin saılaý ýchaskelerinde aýdıojazba jáne Braıl trafaretter túrindegi aqparattyq materıal paıdalanylady. «Barlyq saılaý ýchaskeleri materıaldyq-tehnıkalyq jaǵynan tolyq jabdyqtalǵan», dedi Abzal Jaılybaev.
Oblystaǵy saılaýshylardyń jalpy sany 141 285 adamdy quraıdy. Barlyq qala men aýdanda saılaýshylar tizimin tekserý jáne saılaý ýchaskelerin naqtylaý úshin Sall-ortalyqtardyń jumysy uıymdastyryldy. Qalalar men aýdandar ákimdikteriniń saıttarynda saılaýshylar tiziminde ózin izdeý boıynsha qyzmetter bar Telegram_bot, saılaýshyǵa saılaý ýchaskesiniń mekenjaıyn bilýge jáne belgili bir okrýgten tirkelgen kandıdattardyń tizimin alýǵa múmkindik beredi.
Semınar-keńesterdiń ekinshi bóliminde Qaraǵandy men Ulytaý oblystarynyń aýmaqtyq saılaý komıssııalarynyń músheleri úshin «Daýys berý kúni» iskerlik oıyn stılinde trenıngter uıymdastyryldy. Trenıngtiń maqsaty – saılaý komıssııalary músheleriniń daýys berýdiń barlyq rásimderin sapaly meńgerýi, saılaýǵa qatysýǵa quqyǵy bar azamattardyń tizimi, esepten shyǵarý kýálikteri, azamattardyń aýyzsha jáne jazbasha ótinishteri, qoǵamdyq birlestikter ókilderimen qarym-qatynas jasaý tájirıbelik daǵdylaryn ıgerý.
Semınar-keńes sońynda Ortsaılaýkom músheleri aýmaqtyq saılaý komıssııalarynyń múshelerin qyzyqtyratyn suraqtarǵa jaýap berdi.
