Kezdesý barysynda dıplomat Prefektke Qazaqstan Prezıdenti Qasym-Jomart Toqaevtyń júrgizip jatqan memlekettik saıasaty men elimizdegi negizgi ishki saıası oqıǵalar, onyń ishinde aldaǵy 19 naýryz kúni ótetin Parlament Májilisi men máslıhattarǵa saılaý týraly habarlady.
Sonymen qatar Á.Ahmetov Memleket basshysynyń ótken jylǵy qarashadaǵy Fransııaǵa alǵashqy resmı saparynyń negizgi qorytyndylary jáne qazaqstan-fransýz strategııalyq áriptestigin odan ári maǵynaly túrde toltyrý jónindegi kúsh-jigeri týraly sóz qozǵady. О́nerkásip, mashına jasaý, aýyl sharýashylyǵy, joǵary bilim jáne medısına salasyndaǵy Úlken Shyǵys óńiriniń kompanııalarymen jáne uıymdarymen birlesken ınvestısııalyq-tehnologııalyq jobalar jan-jaqty qarastyryldy.
Prefekt J.Shevale Fransııanyń Úlken Shyǵys óńiri men Qazaqstan arasyndaǵy yntymaqtastyqty odan ári arttyrýǵa úlken qyzyǵýshylyq tanytty, sondaı-aq bizdiń el basshylyǵyna qoıylǵan mindetterdi iske asyrýda tabys tiledi. Ol birlesken jobalarǵa kómek kórsetýge daıyn ekendigin rastady jáne birqatar perspektıvaly ózara tıimdi baǵyttardy usyndy.
Jalpy taraptar birlesken kúsh-jigerdi úılestirýge jáne sáýir aıynda Fransııanyń Syrtqy saýda mınıstriniń orynbasary Olıve Beshttiń QR-ǵa aldaǵy saparynyń áleýetin iske asyrýǵa kelisti, onyń delegasııasyna óńirdiń kompanııalary men uıymdarynyń ókilderiniń kirýi kútiledi.
Kezdesý sońynda Úlken Shyǵys Fransýz óńiriniń Prefektisi J. Shevale Qazaqstan halqy men basshylyǵyna beıbitshilik pen órkendeýdi tiledi.
Tarıhı damyǵan Elzas, Lotarıngııa, Shampan jáne Vogez provınsııalary kiretin Fransııanyń Úlken Shyǵys óńiri joǵary ekonomıkalyq áleýetke ıe. Kólik jasaý, joǵary tehnologııalyq mashına jasaý, metallýrgııa, aýyl sharýashylyǵy jáne damyǵan «jasyl ekonomıka» jyl saıyn JIО́-ge 160 mlrd. eýroǵa deıin qamtıdy jáne Úlken Shyǵysty Fransııada jetekshi orynǵa shyǵarady. 5,5 mıllıon halqy bar óńir eýropalyq naryqta jetekshi pozısııalar men básekelestik artyqshylyqtardy saqtaıdy.
