Úzdikter kóshin 1 796 upaı jıǵan Brazılııa quramasy bastap tur. Árıne, oǵan tańdanýǵa bolmaıdy. Olar osyǵan deıin toǵyz ret uıymdastyrylǵan álem chempıonatynyń beseýinde bas júldeni oljalap, bir kúmis pen eki qolany qorjynǵa saldy. Ońtústik Amerıka birinshiliginde únemi top jaryp júr. Ekinshi orynda – Ispanııa. 1 771 upaıdy enshilegen Pıreneı túbeginiń túlekteri dúnıejúzilik dodada 2 altyn, 3 kúmis jáne 1 qolaǵa qol jetkizdi. Eýropa chempıonatyn jeti ret utty. Úshinshi satyǵa 1 753 upaıy bar Portýgalııa jaıǵasty. 2021 jyly olar álem chempıony atansa, 2000 jyly qola medal ıemdendi. Sońǵy eki qurlyq birinshiligi dál osy komandanyń jeńisimen aıaqtaldy.
Al Qazaqstannyń fýtzalshylary bul tizimde altynshy orynda tur. Jelesterimizdiń qorjynynda 1 570 upaı bar. Sondaı-aq Reseı, Argentına, Iran, Marokko, Ýkraına jáne Paragvaı quramalary TOP-10 komandanyń qataryna enip otyr.
