Atalǵan salmaqtyń chempıony – Leon Edvars. Ulybrıtanııanyń týy astynda óner kórsetip júrgen 31 jastaǵy Iаmaıkanyń týmasy byltyrǵy tamyz aıynda «hed-kık» ádisimen Kamarý Ýsmandy teýip qulatyp, altyn belbeýdi ıelendi. Edvars oktagonda barlyǵy 24 kezdesý ótkizip, 20 ret jeńiske jetti. Sol básekelerdiń teń jartysynda aıqyn basymdyq tanytty. Sońǵy ret ol 2015 jyly dál osy Ýsmannan upaı sanymen utylǵan edi. Sodan keıingi jeti jyldan asa ýaqyt aralyǵynda Leon birde-bir ret jeńilgen joq.
Jartylaı orta salmaqtyń birinshi ornynda Kamarý Ýsman tur. Ol 1987 jyldyń 11 mamyrynda Nıgerııada dúnıege keldi. Segiz jasynda ata-anasymen birge Amerıkaǵa qonys aýdardy. 2012 jyldan beri aralas jekpe-jekpen shuǵyldanyp júrgen Kamarý 22 ret oktagonǵa shyǵyp, eki ret qana sátsiz óner kórsetti. 2013 jyly ol Hose Kaseraske ese jiberse, byltyr Leon Edvarsqa jol berdi. 2019-2022 jyldary Ýsman UFC-diń chempıondyq ataǵyn ıelendi.
Ekinshi jáne úshinshi oryndarda – Kolbı Kovıngton men Hamzat Chımaev. 35 jastaǵy AQSh faıteri 20 jekpe-jektiń úsheýinde jeńildi. Toǵyz básekeni merziminen buryn aıaqtady. Kovıngton Ýsmannan eki márte jáne Varleı Alvısten bir ret jeńildi. 28 jastaǵy Cheshenstannyń týmasy bul kúnderi Shvesııanyń namysyn qorǵap júr. Hamzat bes jylǵa jýyq ýaqyt aralyǵynda 12 ret aıqas alańyna shyǵyp, barlyq qarsylasyn qapy qaldyrdy. Tek 2022 jyldyń sáýir aıynda Florıda shtatynda Gılbert Bernspen ótkizgen kezdesýinde tóreshiler sheshimimen jeńiske jetti. Qalǵan básekeleriniń barlyǵynda Chımaevtyń ústemdigi esh kúmán týǵyzǵan joq.
UFC-diń reıtınginde amerıkalyq Belal Muhammed (26 kezdesý, 22 jeńis, 6 nokaýt, 3 jeńilis, taǵy bir básekeniń nátıjesi esepke alynbady) pen brazılııalyq Gılbert Berns (26 kezdesý, 21 jeńis, 15 nokaýt, 5 jeńilis) bizdiń Rahmonovtan joǵary tur. Sondaı-aq TOP-10 sportshynyń qatarynda Stıven Tompson (24 kezdesý, 17 jeńis, 9 nokaýt, 6 jeńilis, 1 teń), Djeff Nıl (20 kezdesý, 15 jeńis, 11 nokaýt, 5 jeńilis), Shon Bredı (16 kezdesý, 15 jeńis, 7 nokaýt, 1 jeńilis) jáne Vısente Lıýke (31 kezdesý, 21 jeńis, 19 nokaýt, 10 jeńilis) bar. Olardyń barlyǵy da AQSh-tan.
Al Shavqat Rahmonov jaıynda uzaq áńgimeleýge bolady. 2014 jyldan beri aıqas alańyna shyǵyp júrgen ol sol aralyqta ótkizgen 17 kezdesýiniń barlyǵynda aıqyn jeńiske jetti. Tarqatyp aıtsaq, segiz qarsylasyn aýyr soqqylarymen sulatyp salsa, toǵyz básekeni «qylqyndyrý» ádisimen aıaqtady. «Nomadqa» qarsy shyqqan sportshylardyń tek ekeýi ǵana úshinshi raýndqa deıin shydady. Olar – tájikstandyq Farýdın Odılov (2018 jyl) pen amerıkalyq Djeff Nıl (2023 jyl). Alty jekpe-jek ekinshi raýndta aıaqtalsa, toǵyz básekelesin ol birinshi kezeńde-aq esinen tandyrdy. Dál osy shabysynan jańylmasa, Shavqattyń shyǵar shyńy budan da bıik bolatyny sózsiz.
Jeńil salmaqtylardyń (70 kılo) reıtınginde Damır Ismaǵulov 12 oryndy ıelenip otyr. Ol 27 kezdesýiniń tek ekeýinde jeńilis tapty. 2015 jyly Ramazan Esenbaevqa ese jiberse, byltyrǵy jyldyń aıaǵynda Arman Sarýkıanǵa áli jetpedi. Sońǵy sátsizdiginen keıin Reseıdiń Orynbor ólkesinde týyp-ósken 32 jastaǵy qandasymyz UFC-den ketetinin jarııa etken bolatyn. Biraq Amerıkada ony qýyp jatqan eshkim joq. О́ıtkeni Ismaǵulov álemniń eń beldi promoýsheninde ótkizgen alty básekesiniń tek bireýinde ǵana utyldy. Bálkim, ýaqyt óte Damır raıynan qaıtady degen oıdamyz.
Al atalǵan salmaqtyń chempıony – reseılik Islam Mahachev. Sondaı-aq úzdikter qatarynda Charlz Olıveıra (Brazılııa), Dastın Pore, Djastın Geıtjı, Benıl Darıýsh, Maıkl Chendler (AQSh), Rafael Fızıev (Ázerbaıjan), Mateýsh Gemrot (AQSh), Arman Sarýkıan (Reseı), Rafael Dos Anos (Brazılııa) jáne Djelın Terner (AQSh) syndy sańlaqtar bar.
UFC-reıtınginiń úzdikteri
57 kılo: Chempıon – Brendon Moreno (Meksıka), 1. Deıveson Fıgeredo, 2. Aleksandr Pantoja (Brazılııa), 3. Kaı-Kara Frans (Jańa Zelandııa).
61 kılo: Chempıon – Aldjameın Sterlıng, 1. Shon O’Mellı (AQSh), 2. Petr Iаn (Reseı), 3. Merab Dvalıshvılı (Grýzııa).
66 kılo: Chempıon – Aleksandr Volkanovskı (Aýstralııa), 1. Iаır Rodrıges (Meksıka), 2. Maks Holloveı, 3. Braıan Ortega (AQSh).
84 kılo: Chempıon – Aleks Pereıra (Brazılııa), 1. Israel Adesanıa (Nıgerııa), 2. Robert Ýıttaker (Aýstralııa), 3. Djerard Kannone (AQSh).
93 kılo: Chempıon – Jamal Hıll (AQSh), 1. Irjı Prohazka (Chehııa), 2. Magomed Ankalaev (Reseı), 3. Iаn Blahovıch (Polsha).
120 kılo: 1. Chempıon – Djon Djons (AQSh), 1. Sırıl Gan (Fransııa), 2. Stıpe Mıochıch (Horvatııa), 3. Sergeı Pavlovıch (Reseı).
