Mamandar eń áýeli osy problemany sheshý maqsatynda Astana qalasy boıynsha jáne qaladan tys ornalasqan barlyq nysandardy aralady. Nysandardyń sapasyn anyqtaý jumystary josparlanyp, aldaǵy ýaqytta atqarylatyn is-áreketterdiń algorıtmi retteldi.
Qalalyq máslıhat depýtattyǵyna úmitkerler Shyńǵys Lepsibaev pen Azamat Asrıev búginginiń ózekti máselesine aınalǵan aýyz sý máselesin kóterdi. Qazirdiń ózinde qala mańyndaǵy turǵyndar onyń joqtyǵyn aıtyp shaǵymdanatynyn, sondaı-aq jańa turǵyn úı keshenderin sýmen jabdyqtaý jelilerine qosý kezinde ara-tura problemalar týyndaıtynyn aıtyp, birlesip áreket jasaýǵa shaqyrdy.
Aıta ketsek, búginde qalanyń bir turǵyny jylyna 20 myń lıtr sý qoldanady eken. Mamandar aldaǵy jyldary Astana qalasy aýyz sýdyń tapshylyǵyna tap bolatynyn aıtyp, dabyl qaǵyp otyr.
Búginde Astana qalasynda 18 problemalyq núkteli qurylys nysany bar. Bul ózekti máselege nazar aýdarý maqsatynda «Baıtaq» partııasynyń Májiliske úmitker depýtattary sanksııalanǵan mıtıng ótkizdi. Tyǵyz ornalasqan jerge qurylys nysandarynyń salýyna narazylyǵyn elýden asa adam, onyń ishinde qoǵam qaıratkerleri, máslıhat depýtatyna úmitkerler, qoǵam belsendileri bildirdi.
Sońǵy 3 jylda elordada 8 mln sharshy metrden astam baspana salyndy. Al qala boıynsha áleýmettik nysandardyń jetispeýshiligi birshama. Statıstıkalyq aqparatqa súıensek, ótken jyldyń esebi boıynsha 49 myń bóbek balabaqshaǵa kezekte tur, al 26 myń oqýshy mektep oryndaryna muqtaj. О́tken jyly jergilikti turǵyndar osyndaı qurylys nysandarynyń tarıhı mańyzy bar ǵımarattarda, jasyl aımaqtarda salýǵa qarsylyǵyn bildiretin petısııa uıymdastyrǵan bolatyn. Qazirgi ýaqytta oǵan 4 500-den asa adam qol qoıdy.
