Qarjy mınıstriniń aıtýynsha, memlekettik bıýdjet shyǵystary 95,8%-ǵa, respýblıkalyq - 96,5%-ǵa, jergilikti bıýdjetter - 96,6%-ǵa oryndaldy.
«Respýblıkalyq bıýdjet boıynsha 3,4 trıllıon teńge shyǵystar jasaldy. Oryndalmaǵany 123 mıllıard teńgeni qurady. Onyń 22 mıllıard teńgesi únemdeý. Sonda 101 mıllıard teńge ıgerilmeı qaldy. Igerilmeýdiń eń kóp somasy Ishki ister, qarjy, ǵylym jáne joǵary bilim, aqparat jáne áleýmettik damý mınıstrlikterinde qalyptasty», dedi Erulan Jamaýbaev.
Mınıstr ıgerilmeı qalǵan qarjynyń sebebin túsindirdi:
Kórsetilgen qyzmetterdiń naqty kólemi úshin tólengen tólem;
Uzaq konkýrstyq prosedýralar;
Sharttardy, qosymsha kelisimderdi jasaýdyń uzaq rásimderi;
Bıýdjettik baǵdarlamalardy (kishi baǵdarlamalardy) iske asyrý máseleleri boıynsha normatıvtik quqyqtyq aktilerdiń ýaqtyly qabyldanbaýy;
Oryndalǵan jumys aktilerin, shot-faktýralardy ýaqtyly usynbaý;
«Jergilikti bıýdjet shyǵystary 1,3 trıllıon teńgeni qurady. Oryndalmaǵany - 45 mıllıard teńge. Bıyl óńirlerge 1,2 trıllıon teńge nysanaly transfertter qarastyrylǵan. 1 naýryzdaǵy jaǵdaı boıynsha olarǵa 56 mıllıard teńge bólindi. Onyń ishinde 80,1% ıgerildi, 11 mlrd teńge ıgerilmedi», dedi mınıstr.
Qarjy mınıstriniń aıtýynsha, Astana, Almaty, Pavlodar men Abaı oblystarynda úlken kólemde qarjy ıgerilmeı qalǵan.
Oǵan sebep - qadaǵalaý organdarynyń nusqaýy, konkýrstyq rásimderdiń uzaqqa sozylýy, oryndalǵan jumys aktileriniń ýaqtyly usynylmaýy.
Osyǵan baılanysty Premer-mınıstr Álıhan Smaıylov bıýdjettik baǵdarlamalar ákimshilerine bıýdjet qarajatyn ýaqtyly ıgerý bóliginde qarjylyq tártipti kúsheıtýdi tapsyrdy.
